Viral Video: चालत्या ई-रिक्षाचा टायर बदलण्याचा स्टंट, व्हिडिओ पाहून अंगावर काटा येईल
सार
हायवेवर चालत्या ई-रिक्षाचा टायर बदलण्याचा स्टंट तरुणांच्या अंगलट आला आहे. काढलेला टायर पुन्हा रिक्षाला धडकल्याने रिक्षा पलटी झाली. सोशल मीडियावर हा व्हिडिओ व्हायरल होत असून, रीलच्या नादात जीव धोक्यात घालणाऱ्यांवर नेटकरी संताप व्यक्त करत आहेत.
सोशल मीडियावर प्रसिद्धी मिळवण्यासाठी लोक आजकाल कोणताही धोका पत्करायला तयार असतात. याचाच प्रत्यय देणारा एक व्हायरल व्हिडिओ सध्या चर्चेत आहे. या व्हिडिओमध्ये काही तरुण हायवेवर चालत्या ई-रिक्षासोबत जीवघेणा स्टंट करताना दिसत आहेत. एक तरुण रिक्षा चालवत आहे, तर दुसरा चालत्या रिक्षाचा टायर बदलण्याचा प्रयत्न करत आहे. पण हा स्टंट त्यांच्या चांगलाच अंगलट आला. काढलेला टायर पुन्हा रिक्षाला धडकल्याने ई-रिक्षा रस्त्यावरच पलटी झाली.
किसी भी फिल्म का सीन नहीं है यह हकीकत है।
चलती गाड़ी का चक्का बदलते हुए तो सिर्फ फिल्मों में देखा था अब लोग चलती गाड़ी का टायर बदलते हुए रील बना रहे हैं! https://t.co/I7euPrKaog
— दानिश अख्तर मेवाती (@DanishMevati094) October 26, 2026
ही घटना नेमकी कुठली आहे आणि यात कुणी जखमी झालंय का, याची अद्याप कोणतीही अधिकृत माहिती समोर आलेली नाही.
चालत्या ई-रिक्षाचा टायर बदलण्याचा स्टंट पडला महागात
सोशल मीडियावर व्हायरल होत असलेल्या या व्हिडिओमध्ये स्पष्ट दिसतंय की, हायवेवर ई-रिक्षा वेगात धावत आहे. एक तरुण ती चालवतोय आणि दुसरा तरुण चालत्या रिक्षाचा टायर काढण्याचा प्रयत्न करतोय.
दुसऱ्या तरुणाने एक टायर काढला आणि तो रस्त्यावर सोडून दिला. त्यानंतर तो दुसरा टायर बसवण्याच्या तयारीत होता. पण तेवढ्यात तो काढलेला टायर घरंगळत पुन्हा चालत्या रिक्षाजवळ आला आणि जिथून काढला होता तिथेच जोरात धडकला.
ही धडक इतकी अचानक होती की, त्या तरुणाला दुसरा टायर बसवायला वेळच मिळाला नाही. ई-रिक्षाचं संतुलन बिघडलं आणि ती थेट हायवेवरच पलटी झाली.
व्हिडिओच्या शेवटी रिक्षा रस्त्यावर पडलेली दिसते. या अपघातात त्या तरुणांना दुखापत झाली की नाही, किंवा इतर वाहनचालकांना याचा फटका बसला का, हे व्हिडिओवरून स्पष्ट होत नाही.
सार्वजनिक रस्त्यांवर असे जीवघेणे स्टंट करणं किती धोकादायक असू शकतं, हा प्रश्न या घटनेमुळे पुन्हा एकदा ऐरणीवर आला आहे.
रीलच्या नादात जीव धोक्यात घालणाऱ्यांवर नेटकरी संतापले
एक्स (X) या सोशल मीडिया प्लॅटफॉर्मवर या व्हिडिओवर तीव्र प्रतिक्रिया उमटत आहेत. सोशल मीडियावरील प्रसिद्धीसाठी लोक स्वतःचा जीव का धोक्यात घालतात, असा सवाल युजर्स विचारत आहेत.
एका युजरने लिहिलंय की, व्हिडिओ बनवण्यासाठी लोक कोणत्याही थराला जात आहेत. तर दुसऱ्याने इशारा दिलाय की, अशा स्टंटमध्ये झालेली एक छोटीशी चूकही जीवावर बेतू शकते.
@AnjaliKumari009 रील के चक्कर में लोग जान जोखिम में डालने से भी नहीं चूक रहे!
— Shikha Rani💎 (@shikharaniveda) October 25, 2026
काहींनी या तरुणांवर कडक कारवाई करण्याची मागणी केली आहे. तर काहींनी या स्टंटची तुलना थेट चित्रपटांतील दृश्यांशी केली आहे. चित्रपटांमध्ये असे स्टंट पाहायला छान वाटतात, पण खऱ्या आयुष्यात याचे गंभीर परिणाम होऊ शकतात, असं मत नेटकऱ्यांनी मांडलं आहे.
I’d only seen people changing the wheels of moving vehicles in movies, but now people are doing it for REELS! 🤦♀️
The reel craze is seriously on another level. Likes and views can wait, but your life is not a stunt.
People are literally playing with their lives for a few seconds of internet fame. Have we lost all common sense?
#reelsvirales #Reelcraze
— Crow Dhillon 🦢 (@CrowDhillon8) October 27, 2026
एका युजरने कमेंट केली की, फक्त रील बनवण्यासाठी लोक आता चित्रपटांमधले स्टंट खऱ्या आयुष्यात करत आहेत. अशा वागण्यामुळे जर एखादा मोठा अपघात झाला, तर त्याला जबाबदार कोण, असा संतप्त सवालही काहींनी विचारला आहे.
ऑनलाइन प्रसिद्धीसाठी केल्या जाणाऱ्या अशा धोकादायक स्टंट्सबद्दल लोकांमध्ये आता मोठी चिंता निर्माण झाली आहे. फक्त काही व्ह्यूज आणि लाइक्ससाठी स्वतःचा जीव धोक्यात घालणं अजिबात योग्य नाही, असं अनेक युजर्सनी ठणकावून सांगितलं आहे.