उबर ईट्स ड्रायव्हरचा धक्कादायक अनुभव
पार्सल कारमध्ये घेऊन ड्रायव्हर ऑर्डर देणाऱ्याकडे जात होती. कारमध्ये एक विचित्र वास येत असल्याचे तिला जाणवले. मात्र, तो कोणत्याही पदार्थाचा वास नव्हता.
ऑनलाइन जेवण ऑर्डर केले. पण, आलेली वस्तू जर अजिबात अपेक्षित नसलेली असेल तर काय होईल? ऑर्डर केलेल्या पदार्थाऐवजी दुसरे काहीतरी आले तरी आपण अस्वस्थ होतो. पण, या उबर ईट्स ड्रायव्हरचा अनुभव त्याहूनही वेगळा होता.
ही घटना अमेरिकेत घडली. उबर ईट्सवर एका व्यक्तीने बुरिटो ऑर्डर केले होते. पण, या बुरिटोबद्दल ड्रायव्हरला संशय आल्याने तिने पोलिसांना बोलावले आणि सगळे चित्रच पालटले.
शुक्रवारी रात्री कॅमडेन काउंटीतील लिंडनवॉल्ड येथे ही घटना घडली. एका व्यक्तीने एक बुरिटो, एक सूप आणि एक बाटली पाणी ऑर्डर केले होते. पण, ऑर्डर हातात आल्यानंतर काही वेळातच ड्रायव्हरला काहीतरी गडबड वाटली. पार्सल कारमध्ये घेऊन ती ऑर्डर देणाऱ्याकडे जात होती. कारमध्ये एक विचित्र वास येत असल्याचे तिला जाणवले. मात्र, तो कोणत्याही पदार्थाचा वास नव्हता.
त्या वासातून कॅनाबिसचा वास येत असल्याचे जाणवल्यावर तिने पोलिसांना फोन केला. पोलीस घटनास्थळी पोहोचले आणि तपासणी केली. कव्हर उघडल्यावर बुरिटोऐवजी कॅनाबिस आढळून आले. वॉशिंग्टन टाउनशिप पोलिसांनी तात्काळ तपास सुरू केला.
पोलिसांनी नंतर याचे फोटो प्रसिद्ध केले. कॅनाबिस रोलसारखा दिसण्यासाठी कसा पॅक केला होता हे पोलिसांनी शेअर केलेल्या फोटोंमध्ये दिसून येते. यामागील लोकांनी उबर ईट्सचा वापर तस्करीसाठी केला असावा, असे पोलिसांचे म्हणणे आहे. दरम्यान, उबरने आपल्या सेवेचा वापर करून ड्रग्ज आणि अल्कोहोलची तस्करी करण्यास सक्त मनाई केली आहे.
)
)
)
)