जम्मू-काश्मीरमध्ये दहशतवादी हल्ला, दोन स्थलांतरित कामगार जखमी
जलशक्ती विभागात दैनिक वेतनधारक म्हणून काम करणाऱ्यांवर हा हल्ला झाला आहे.
rohan salodkar
श्रीनगर: जम्मू-काश्मीरमध्ये पुन्हा दहशतवादी हल्ला. दोन स्थलांतरित कामगारांना गोळ्या घालण्यात आल्या. सोफियान (२५) आणि उस्मान मलिक (२५) यांना दहशतवाद्यांनी गोळ्या घातल्या. दोघेही उत्तरप्रदेशातील सहारनपूरचे रहिवासी आहेत. त्यांना श्रीनगरच्या जेव्हीसी रुग्णालयात दाखल करण्यात आले. ही घटना बुडगाम येथे घडली.
सोफियान आणि उस्मान हे जलशक्ती विभागात दैनिक वेतनधारक म्हणून काम करत होते. त्यांची प्रकृती स्थिर असल्याचे सांगण्यात येत आहे. माहिती मिळताच सुरक्षा दल घटनास्थळी पोहोचले आणि दहशतवाद्यांचा शोध सुरू केला. गेल्या १२ दिवसांत मध्य काश्मीरमध्ये बिगरस्थानिकांवर झालेला हा दुसरा हल्ला आहे.
गंदरबल जिल्ह्यातील सोनमर्ग येथील बांधकामस्थळावर दहशतवाद्यांनी केलेल्या गोळीबारात एका डॉक्टरसह सहा स्थलांतरित कामगार ठार झाले होते. ही घटना घडल्यानंतर अवघ्या १२ दिवसांनी जम्मू-काश्मीरमध्ये बिगरस्थानिकांवर पुन्हा दहशतवादी हल्ला झाला आहे. १८ ऑक्टोबर रोजी शोपियान जिल्ह्यात बिहारमधील एका स्थलांतरित कामगाराची दहशतवाद्यांनी हत्या केली होती.
)
)
)
)