Richest Temples In India : 2.26 लाख कोटींची संपत्ती, भारतातील सर्वात श्रीमंत मंदिर कोणतं? पाहा टॉप 5 लिस्ट

भारतातील टॉप ५ श्रीमंत मंदिरांच्या यादीत आंध्र प्रदेशचं तिरुपती मंदिर पहिल्या नंबरवर आहे. या मंदिराची संपत्ती तब्बल २.२६ लाख कोटी रुपये आहे. तर, १.२ लाख कोटी रुपयांच्या संपत्तीसह केरळचं श्री पद्मनाभस्वामी मंदिर दुसऱ्या स्थानावर आहे.

१. तिरुपती व्यंकटेश्वर मंदिर (आंध्र प्रदेश)

भाविकांचं दान आणि स्थावर-जंगम मालमत्तेच्या आधारे भारतातील टॉप ५ श्रीमंत मंदिरांची यादी समोर आली आहे. यात आंध्र प्रदेशातील तिरुपती बालाजी मंदिर पहिल्या क्रमांकावर आहे.

या मंदिराची एकूण संपत्ती २.२६ लाख कोटी रुपयांपेक्षा जास्त आहे. राजकारणी, बॉलिवूड सेलिब्रिटी आणि करोडो सामान्य भाविक इथे दर्शनासाठी येतात. या मंदिरात रोज कोट्यवधी रुपयांचं दान जमा होतं.

२. श्री पद्मनाभस्वामी मंदिर (केरळ)

या यादीत दुसऱ्या क्रमांकावर केरळच्या तिरुवनंतपुरम जिल्ह्यात असलेलं श्री पद्मनाभस्वामी मंदिर आहे. या मंदिराची संपत्ती १.२ लाख कोटी रुपयांहून अधिक आहे. मंदिराच्या तळघरातील गुप्त खोल्यांमध्ये सोनं, हिरे, नवरत्न आणि मौल्यवान प्राचीन दागिने मोठ्या प्रमाणावर सुरक्षित ठेवले आहेत.

३. शिर्डी साईबाबा मंदिर (महाराष्ट्र)

महाराष्ट्रातील प्रसिद्ध शिर्डी साईबाबा मंदिर या यादीत तिसऱ्या स्थानावर आहे. या मंदिराची अंदाजे संपत्ती २,५०० ते ३,००० कोटी रुपयांच्या घरात आहे. जगभरातून लाखो भाविक साईबाबांच्या दर्शनासाठी येतात आणि भरभरून दान करतात, ज्यामुळे मंदिराला मोठं उत्पन्न मिळतं.

४. गुरुवायूर मंदिर (केरळ)

केरळच्या त्रिशूर जिल्ह्यात असलेलं प्रसिद्ध गुरुवायूर मंदिर या यादीत चौथ्या नंबरवर आहे. या मंदिराची संपत्ती सुमारे २,५०० कोटी रुपयांपेक्षा जास्त आहे.

केरळमधील प्रमुख आध्यात्मिक केंद्रांपैकी एक असलेल्या या मंदिरात सोनं-चांदीचे दागिने आणि बँकेत मोठ्या प्रमाणात ठेवी आहेत.

५. श्री माता वैष्णोदेवी मंदिर (जम्मू-काश्मीर)

जम्मू-काश्मीरमधील त्रिकुटा पर्वतावर वसलेलं श्री माता वैष्णोदेवी मंदिर या यादीत पाचव्या स्थानावर आहे. या मंदिराची संपत्ती २,००० कोटी रुपयांहून अधिक आहे. अनेक राजकीय नेते आणि चित्रपटसृष्टीतील कलाकार आवर्जून या मंदिरात दर्शनासाठी येतात.