पहिली मेरिट लिस्ट जाहीर, नंतर बदलामुळे केला संताप व्यक्त

गोवा विद्यापीठाने बीए एलएलबी प्रवेशासाठी सुधारित मेरिट लिस्ट जाहीर केल्याने मोठा वाद निर्माण झाला आहे. तांत्रिक त्रुटींमुळे आधीच्या यादीत बदल झाल्याने अनेक विद्यार्थ्यांचे क्रमांक बदलले, ज्यामुळे विद्यार्थी आणि पालकांनी प्रवेश प्रक्रियेच्या पारदर्शकतेवर प्रश्नचिन्ह उपस्थित केले आहे.

गोवा विद्यापीठाच्या बीए एलएलबी प्रवेश प्रक्रियेत नव्याने जाहीर करण्यात आलेल्या सुधारित मेरिट लिस्टमुळे मोठा वाद निर्माण झाला आहे. आधी प्रसिद्ध केलेल्या यादीत बदल झाल्याने अनेक विद्यार्थी आणि पालकांनी नाराजी व्यक्त केली आहे. प्रवेश प्रक्रियेत पारदर्शकतेवर प्रश्नचिन्ह उपस्थित केले जात आहे.

विद्यापीठाने जाहीर केली पहिली मेरिट लिस्ट 

विद्यापीठाने प्रवेश परीक्षेनंतर पहिली मेरिट लिस्ट जाहीर केली होती. मात्र काही तांत्रिक त्रुटी झाल्याचे सांगत प्रशासनाने सुधारित यादी प्रसिद्ध केली. या बदलामुळे आधी संधी मिळालेल्या काही विद्यार्थ्यांचे क्रमांक बदलले, तर काहींना फटका बसल्याची चर्चा आहे. सुधारित यादी जाहीर होताच विद्यार्थ्यांनी विद्यापीठ प्रशासनाकडे धाव घेतली. अनेकांनी गुणांकन पद्धती, क्रमवारी आणि निवड निकषांबाबत स्पष्टीकरण मागितले आहे. काही विद्यार्थ्यांनी लेखी तक्रारीही दाखल केल्याची माहिती समोर आली आहे.

विद्यार्थ्यांच्या भविष्याशी खेळणार विद्यार्थी 

संघटनांनीही या प्रकारावर आक्षेप घेतला आहे. विद्यार्थ्यांच्या भविष्याशी खेळ करणारा हा प्रकार असल्याचे सांगत जबाबदार अधिकाऱ्यांवर कारवाईची मागणी करण्यात येत आहे. प्रवेश प्रक्रियेत निष्काळजीपणा चालणार नाही, असा इशाराही देण्यात आला आहे. दरम्यान, गोवा विद्यापीठ प्रशासनाने ही चूक तांत्रिक स्वरूपाची असल्याचे स्पष्ट केले आहे. विद्यार्थ्यांना न्याय मिळेल आणि संपूर्ण प्रक्रिया नियमांनुसार पार पडेल, असे आश्वासन प्रशासनाकडून देण्यात आले आहे. या प्रकरणामुळे गोव्यातील उच्च शिक्षण क्षेत्रात चर्चा रंगली आहे. आता विद्यापीठाकडून अंतिम निर्णय काय घेतला जातो आणि विद्यार्थ्यांच्या शंकांचे निरसन कसे केले जाते, याकडे सर्वांचे लक्ष लागले आहे.