Son Gets Mahindra Thar After 10th Grade Exams Viral Video Sparks Debate: सोशल मीडियावर एक व्हिडीओ तुफान व्हायरल होतोय. यात कंटेंट क्रिएटर मकरंद तायडे आणि त्यांच्या पत्नीने आपल्या मुलाला दहावीची परीक्षा संपल्यावर नवी कोरी 'थार' गाडी गिफ्ट केली.
प्रत्येक आई-वडिलांना वाटतं की आपली मुलं आनंदी राहावीत. यासाठी ते अनेकदा खास सरप्राइजही देतात. सध्या सोशल मीडियावर असाच एक व्हिडीओ व्हायरल झालाय, ज्यात आई-वडिलांनी आपल्या मुलाला दहावीची परीक्षा संपताच एक असं गिफ्ट दिलं, जे पाहून सगळेच हैराण झाले आहेत. या व्हिडीओत आई-वडील आपल्या मुलाला नवी कोरी महिंद्रा थार गिफ्ट करताना दिसत आहेत. काही जण याचं कौतुक करत आहेत, तर अनेक जण यावर प्रश्न विचारत आहेत.
25
दहावीच्या परीक्षे नंतर मिळालं मोठं सरप्राइज
हा व्हिडीओ सोशल मीडिया कंटेंट क्रिएटर मकरंद तायडे (Makarand Tayade) आणि त्यांच्या पत्नीचा आहे. त्यांनी आपला मुलगा अर्णव (अर्नो) याची दहावीची परीक्षा संपल्यावर त्याला एक खास गिफ्ट देण्याचं ठरवलं. यासाठी त्यांनी आधीच सगळा प्लॅन करून मुलासाठी पांढऱ्या रंगाची नवी महिंद्रा थार खरेदी केली. मुलगा परीक्षा देऊन घरी परतताच वडील त्याच्या हातात गाडीची चावी देतात. चावी मिळताच मुलगा उत्साहाने गाडीकडे धाव घेतो. ही महागडी कार पाहून त्याचा आनंद गगनात मावेनासा होतो. हाच क्षण कॅमेऱ्यात कैद झाला आणि सोशल मीडियावर शेअर करण्यात आला.
35
सोशल मीडियावर लोकांच्या वेगवेगळ्या प्रतिक्रिया
हा व्हिडीओ इंटरनेटवर व्हायरल होताच लोकांच्या वेगवेगळ्या प्रतिक्रिया येऊ लागल्या. अनेक युझर्स म्हणाले की, आई-वडील आपल्या मुलांना खूश करण्यासाठी काहीही करू शकतात आणि हा एक खूप गोड क्षण आहे. पण काही लोकांनी यावर प्रश्नही उपस्थित केले. अनेक युझर्सचं म्हणणं आहे की, दहावीची परीक्षा संपल्यावर एवढी महागडी कार गिफ्ट करणं योग्य नाही. इतक्या लहान वयात मुलांना गाडी देणं कायद्याच्या दृष्टीनेही चुकीचं आहे, असंही काहींनी लिहिलं.
हा व्हिडीओ व्हायरल झाल्यानंतर कंटेंट क्रिएटर मकरंद तायडे यांनी यावर स्पष्टीकरण दिलं आहे. त्यांनी व्हिडीओमध्ये स्पष्टपणे लिहिलं आहे की, ही कार आई-वडीलच चालवणार आहेत आणि त्यांचा मुलगा सध्या गाडी चालवणार नाही. पुढची जवळपास पाच वर्षे तो फक्त मागच्या सीटवर बसूनच या गाडीचा आनंद घेईल, असंही त्यांनी गंमतीने लिहिलं आहे.
55
सोशल मीडियावर चर्चेचा विषय बनलेला व्हिडीओ
सध्या हा व्हिडीओ सोशल मीडियावर वेगाने शेअर केला जात आहे. एकीकडे हा आई-वडील आणि मुलाच्या नात्यातील भावनिक क्षण दाखवतो, तर दुसरीकडे यामुळे एक नवीन चर्चा सुरू झाली आहे की, मुलांना कोणत्या वयात आणि कशा प्रकारची महागडी गिफ्ट्स देणं योग्य आहे. यामुळेच हा व्हिडीओ आता इंटरनेटवर चर्चेचा विषय बनला आहे आणि लोक त्यावर आपापली मतं मांडत आहेत.
