नागा नृत्यादरम्यान कलाकाराला विषारी सापाने दंश केला

पाटणा: विषारी सापांना गळ्यात आणि हातात गुंडाळून नृत्य करत असताना एका कलाकाराला सापाने दंश केला. हा प्रकार स्टेज शो दरम्यान घडला. चित्रपटातील गाण्यावर नाचत असताना सापाने दंश केला हे त्याला कळले नाही. नंतर जेव्हा तो स्टेजवर कोसळला तेव्हा सापाने दंश केला हे स्पष्ट झाले.

छठ पूजेनिमित्त आयोजित केलेल्या कार्यक्रमात गौरव कुमार हा कलाकार विषारी सापांना गळ्यात आणि हातात गुंडाळून नृत्य करत होता. फणा काढलेले दोन साप स्टेजवर ठेवण्यात आले होते. नृत्य सुरू असताना गौरवच्या हाताला सापाने दंश केला. नृत्यात रमलेल्या गौरवला किंवा प्रेक्षकांना हे लक्षात आले नाही. काही वेळातच तो बेशुद्ध होऊन स्टेजवर कोसळला. त्यानंतर त्याला रुग्णालयात नेण्यात आले तेव्हा सापाने दंश केला हे स्पष्ट झाले. बिहारमधील सहरसा येथे ही घटना घडली.

गौरवने सांगितले की तो अनेक वर्षांपासून असे स्टेज शो करत आहे. पण सापाने दंश केला ही पहिलीच वेळा आहे. यातून त्याला खूपच कमी उत्पन्न मिळते. वेळेवर रुग्णालयात नेल्यामुळे त्याचा जीव वाचला. गौरव आता बरा होत आहे.