बिग बुल राकेश झुनझुनवाला यांच्या पत्नीचे 800 कोटी रुपयांचे नुकसान, पोर्टफोलिओमध्ये असलेला हा स्टॉक ठरला कारण

मुंबई : शेअर बाजारात बिग बुल म्हणून प्रसिद्ध असलेले दिवंगत गुंतवणूकदार राकेश झुनझुनवाला यांच्या पत्नी रेखा झुनझुनवाला यांना सोमवारी 800 कोटींहून अधिक रुपयांचे नुकसान झाले आहे . टायटन कंपनीच्या शेअर्समध्ये मोठी घसरण झाल्याने हा तोटा झाला आहे. अपेक्षेपेक्षा कमकुवत मार्च तिमाही निकालांमुळे कमाईत घट झाल्यानंतर सोमवारी टायटनचे शेअर 7% पेक्षा जास्त घसरले.आज सकाळी 10:40 वाजता, टायटन शेअरची किंमत BSE वर 1.16% च्या घसरणीसह 3,241.95 रुपयांवर व्यवहार करत आहे.

रेखा झुनझुनवाला यांची टायटनमध्ये हिस्सेदारी किती ?

टाटा ग्रुप कंपनी टायटनचा शेअर राकेश झुनझुनवाला यांचा सर्वात आवडता शेअर होता. हा शेअर केवळ त्यांची पत्नी रेखा झुनझुनवाला यांच्या पोर्टफोलिओमध्ये समाविष्ट नाही तर त्यांनी या शेअरवर मोठी पैजही लावली आहे. अहवालानुसार, रेखा झुनझुनवाला यांच्याकडे 31 मार्च 2024 पर्यंत टायटनच्या समभागांमध्ये 5.35% हिस्सा होता. शुक्रवारी ट्रेडिंग सत्राअंती त्यांची हिस्सेदारी 16,792 कोटी रुपये होती.

कालचा व्यवहार काय सांगतो ?

कालच्या व्यवहारादरम्यान, टायटनचे शेअर्स 3,352.25 च्या नीचांकी पातळीवर पोहोचले आणि बॉम्बे स्टॉक एक्स्चेंजवर 3,281.65 च्या पातळीवर बंद झाले, ज्यामुळे कंपनीचे निव्वळ मूल्य ₹ 3 लाख कोटींहून खाली घसरून ₹ 2,91,340.35 कोटी झाले ज्यात मार्केट कॅप ₹ 22,000 कोटींहून अधिक घसरली. हिंदुस्तान टाइम्सच्या मते, या घसरणीमुळे रेखा झुनझुनवाला यांच्या टायटनमधील स्टेकचे मूल्य अंदाजे ₹ 15,986 कोटींनी कमी झाले.

टायटनचा शेअर किती रुपयांनी घसरले ?

या घसरणीमुळे रेखा झुनझुनवाला यांच्या स्टेकचे मूल्यही 15,986 कोटी रुपये झाले. अंदाजे 805 कोटी रुपयांची घट झाली आहे. टायटनने जानेवारी-मार्च तिमाहीचे निकाल जाहीर केल्यानंतर ही घट झाली आहे. या तिमाहीत कंपनीचा निव्वळ नफा 7 टक्क्यांनी वाढून 786 कोटी रुपयांवर पोहोचला आहे.यातून टायटनचा शेअर 253 रुपयांनी घसरला आहे.