प्रयागराज महाकुंभ: मोदी-योगींनी शेअर केली अमृतस्नानाची विहंगम छायाचित्रे

आज मकर संक्रांतीच्या दिवशी महाकुंभचा पहिला अमृतस्नान सोहळा पार पडला. भारतातील प्रत्येक राज्यातील आणि प्रत्येक जाती-धर्मातील लोकांनी एकत्रितपणे संगमात डुबकी मारली. दरम्यान, पंतप्रधान मोदी आणि उत्तर प्रदेशचे मुख्यमंत्री योगी आदित्यनाथ यांनी प्रयागराजच्या या अविश्वसनीय क्षणाची अनोखी छायाचित्रे शेअर केली आहेत. 

मुख्यमंत्री योगी आदित्यनाथ यांनी छायाचित्रे शेअर करत लिहिले - तीर्थराज प्रयाग येथे आज महाकुंभच्या पहिल्या 'अमृत स्नाना'च्या आणि मकर संक्रांतीच्या पावन प्रसंगी सर्व आखाड्यांवर आणि घाटांवर पुष्पवृष्टी, सनातन संस्कृतीचे वंदन, श्रद्धेचे अभिनंदन आणि आस्थेला नमन.

उत्तर प्रदेश सरकारच्या आकडेवारीनुसार, प्रयागराज महाकुंभच्या पहिल्या अमृतस्नानात दुपारी ३ वाजेपर्यंत २.५ कोटी भाविकांनी संगमात स्नान केले आहे.

महाकुंभच्या पहिल्या अमृतस्नानात आतापर्यंत जवळपास सर्व १४ आखाड्यांच्या साधू-संतांनी डुबकी मारली आहे. प्रत्येक आखाड्याला ३०-४० मिनिटांचा वेळ देण्यात आला होता.

पंतप्रधान मोदींनीही महाकुंभच्या पहिल्या अमृतस्नानाची छायाचित्रे शेअर करत लिहिले - मकर संक्रांती महापर्वाच्या निमित्ताने महाकुंभमधील पहिल्या अमृतस्नानात सहभागी झालेल्या सर्व भाविकांचे हार्दिक अभिनंदन.

पंतप्रधान मोदींनी सोशल मीडियावर लिहिले, प्रयागराजच्या भूमीवर पाहा महाकुंभमधील भक्ती आणि अध्यात्माचा अद्भुत संगम!

पंतप्रधान मोदींनी शेअर केलेले हे छायाचित्र किती विहंगम आहे, याचा अंदाज तुम्ही फोटो पाहून लावू शकता की गंगानगरीत असंख्य भाविक डुबकी मारण्यासाठी पोहोचले.

प्रयागराजमध्ये जिकडे तिकडे फक्त आणि फक्त भाविक आणि साधू-संत दिसत आहेत. सर्वत्र हर हर गंगे आणि हर हर महादेवच्या घोषणांचा गजर ऐकू येत आहे.