Powerful Passport: जाणून घ्या भारतीय किती देशांना व्हिसाशिवाय भेट देऊ शकतात?

जगातील सर्वात शक्तिशाली पासपोर्टची यादी नुकतीच जाहीर करण्यात आली आहे. हेन्ली पासपोर्ट इंडेक्सने जगातील सर्वात शक्तिशाली पासपोर्टची 2024 रँकिंग जारी केली आहे. या यादीनुसार भारत जागतिक स्तरावर 82 व्या क्रमांकावर आहे. या क्रमवारीत भारतीय पासपोर्टधारकांना व्हिसाशिवाय 58 देशांमध्ये प्रवास करता येतो.

हेन्ली पासपोर्ट इंडेक्स जागतिक प्रवास फायद्यांचा अंदाज लावण्यासाठी एक व्यापक स्रोत म्हणून काम करतो. हा निर्देशांक इंटरनॅशनल एअर ट्रान्सपोर्ट असोसिएशनकडून मिळवलेल्या विशेष डेटावर आधारित आहे. हेन्ली पासपोर्ट इंडेक्स व्हिसा-मुक्त प्रवेशावर आधारित जगातील पासपोर्टची क्रमवारी लावते. याचा अर्थ तुम्ही कोणत्या देशाचा पासपोर्ट वापरून बहुतांश ठिकाणांवर व्हिसा-मुक्त प्रवास करू शकता.

या यादीनुसार, सिंगापूर पासपोर्ट सर्वात शक्तिशाली आहे, ज्यामुळे 195 देशांमध्ये व्हिसा मुक्त प्रवास करता येतो. पाकिस्तानचा पासपोर्ट 100 व्या क्रमांकावर आहे. त्याचे धारक 33 देशांमध्ये प्रवास करू शकतात.

हे लक्षात घेण्यासारखे आहे की 2023 मध्ये, हेन्ली पासपोर्ट निर्देशांकात भारत 84 व्या क्रमांकावर होता. नेहमीप्रमाणे या वेळीही पाकिस्तानने पासपोर्ट निर्देशांकात अत्यंत खराब कामगिरी केली आहे. पाकिस्तान तळापासून पाचव्या स्थानावर आहे. 105 देशांच्या यादीत पाकिस्तान 100 व्या स्थानावर आहे. पाकिस्तानी नागरिक व्हिसाशिवाय 33 देशांमध्ये प्रवेश करू शकतात. येमेन, इराक, सीरिया, अफगाणिस्तान या देशांच्याही खाली पाकिस्तान आहे.

महत्वाचे पाच देश

सिंगापूरनंतर फ्रान्स, जर्मनी, इटली, जपान आणि स्पेन १९२ व्हिसा-मुक्त पर्यटन स्थळांसह दुसऱ्या क्रमांकावर आहेत. तिसऱ्या स्थानावर ऑस्ट्रिया, फिनलंड, आयर्लंड, लक्झेंबर्ग, नेदरलँड, दक्षिण कोरिया आणि स्वीडन आहेत, जेथे पासपोर्ट धारक 191 देशांना व्हिसामुक्त भेट देऊ शकतात. बेल्जियम, डेन्मार्क, न्यूझीलंड, नॉर्वे, स्वित्झर्लंड आणि यूके 190 व्हिसा-मुक्त गंतव्यांसह चौथ्या स्थानावर आहेत. ऑस्ट्रेलिया आणि पोर्तुगाल 189 व्हिसा-मुक्त पर्यटन स्थळांसह पाचव्या स्थानावर आहेत.

आणखी वाचा :

आपण डिजिटल फ्रॉडचा सामना केला? मदतीसाठी १९३० नंबर करा डायल!