Kaziranga National Park : पंतप्रधान नरेंद्र मोदी आसाममधील काझीरंगा राष्ट्रीय उद्यानाच्या दौऱ्यावर, काझीरंगामध्ये मुक्काम करणारे पहिले पंतप्रधान

पंतप्रधान नरेंद्र मोदी यांनी आसाममधील काझीरंगा अभयारण्याचा आनंद घेतला. त्यानंतर त्यांनी येथील हत्तींना आपल्या हाताने अन्न खाऊ घातले. 

Kaziranga National Park : देशाचे पंतप्रधान नरेंद्र मोदी यांनी आसाम आणि अरुणाचल प्रदेशच्या दोन दिवसीय दौऱ्यादरम्यान वेळ काढून पहाटे 5 वाजता काझीरंगा राष्ट्रीय उद्यानाच्या सहलीला गेले होते. यावेळी पंतप्रधान मोदींनी हत्तीवर स्वार होऊन जीप सफारीचा आनंद लुटला. काझीरंगा नॅशनल पार्कमध्ये त्यांनी सुमारे 2 तास घालवले.

तत्पूर्वी, पंतप्रधान मोदी हे शुक्रवारी (8 मार्च) आसाममधील तेजपूर येथे पोहोचले होते तेथे राज्याचे मुख्यमंत्री हिमंता बिस्वा सरमा यांनी त्यांचे पुष्पगुच्छ देऊन स्वागत केले. पंतप्रधानांच्या आगमनानिमित्त आसाममध्ये कडेकोट सुरक्षा व्यवस्था ठेवण्यात आली आहे.
पंतप्रधान नरेंद्र मोदी यांनी आज आसाममधील काझीरंगा राष्ट्रीय उद्यानाला भेट दिली. यावेळेस त्यांनी वन दुर्गा म्हणजेच महिला वनरक्षकांच्या टीमशीही संवाद साधला. 

पंतप्रधान नरेंद्र मोदी वेगळे दिसले 
काझीरंगा नॅशनल पार्कला भेट देताना पीएम मोदींनी हाफ जॅकेटसह मिलिटरी कलरचा हाफ टी-शर्ट घातला होता. त्याशिवाय त्यांनी काळ्या चष्म्यासह काळी टोपीही घातली होती. त्यांनी खुल्या जीपमध्ये उभे राहून उद्यानाचा फेरफटका मारला. पंतप्रधान मोदींनी उद्यानात काम करणाऱ्या महिला पोलीस रक्षक म्हणून असणाऱ्या महिलेशी चर्चा केली. प्रवासादरम्यान पंतप्रधान मोदींनी स्वत: काही निसर्गरम्य छायाचित्रे कॅमेऱ्यात टिपली आणि उद्यानात उपस्थित हत्तींचेही छायाचित्रण केले. त्याच्या ट्रेनरशी भेट घेतली.

पंतप्रधान नरेंद्र मोदी काझीरंगामध्ये मुक्काम करणारे पहिले पंतप्रधान
काझीरंगा येथे रात्रभर मुक्काम केल्यानंतर जंगल सफारीवर जाणारे नरेंद्र मोदी हे देशातील पहिले पंतप्रधान आहेत. काझीरंगाच्या पहिल्या भेटीदरम्यान त्यांनी उद्यानाच्या मध्य कोहोरा रेंजमधील मिहिमुख परिसरात पहिल्यांदा हत्तीची सवारी केली. त्यानंतर लगेचच त्याच रेंजमध्ये उपलब्ध असलेल्या जीप सफारीचाही आनंद लुटला. यावेळी पंतप्रधान मोदींसोबत काझीरंगा पार्कच्या संचालिका सोनाली घोष आणि इतर वरिष्ठ वन अधिकारीही उपस्थित होते.
आणखी वाचा - 
फसवणूक करून रशियन सैन्यात भारतीयांना भरती केल्याची 35 प्रकरणे आली समोर, भारत सरकारने रशियासमोर उपस्थित केला मुद्दा
पेटीएमवर आरबीआयच्या बंदीमुळे Google Pay आणि PhonePe चे ग्राहक वाढले, UPI मार्केटमध्ये दोघांचा वाढला नफा
आंतरराष्ट्रीय महिला दिनानिमित्त पंतप्रधान नरेंद्र मोदी यांनी यशस्वी महिलांच्या यशोगाथा केल्या शेअर, केंद्राच्या योजनांची दिली माहिती