बघा VIDEO, Passenger Plane Crash In Gujarat अहमदाबादमध्ये एअर इंडियाच्या ड्रीमलाइनर बोईंग 787 विमानाचा भीषण अपघात; २४२ प्रवाशांच्या मृत्यूची शक्यता

गुजरातमध्ये अहमदाबाद विमानतळाजवळ प्रवासी विमान कोसळले आहे. त्यात अनेकांचा मृत्यू झाला असल्याची शक्यता आहे.

अहमदाबाद (गुजरात)— अहमदाबाद शहरात गुरुवारी दुपारी एक भीषण दुर्घटना घडली आहे. एअर इंडियाचे ड्रीमलाइनर बोईंग 787 हे प्रवासी विमान सरदार वल्लभभाई पटेल आंतरराष्ट्रीय विमानतळावरून उड्डाण करताना अपघातग्रस्त झाले. या घटनेत विमानात असलेल्या २४२ प्रवाशांचा मृत्यू झाल्याची शक्यता वर्तवली जात आहे.

टेकऑफदरम्यानच अपघात; विमान इमारतीला धडकले प्राप्त माहितीनुसार, हे विमान अहमदाबादहून लंडनच्या दिशेने झेपावले होते. उड्डाण करत असताना विमान विमानतळाच्या सीमेवर असलेल्या इमारत किंवा भिंतीला धडकले आणि क्षणातच मोठा स्फोट होऊन ते कोसळले. या घटनेनंतर अहमदाबादच्या मेघाणीनगर परिसरात आगीच्या ज्वाळा आणि प्रचंड धुराचे लोट दूरवरून दिसत होते.

अंगावर शहारे आणणाऱ्या दृश्यांचा व्हिडीओ समोर घटनास्थळावरून समोर आलेल्या फोटो आणि व्हिडिओंमध्ये विमानाची एक विंग पूर्णतः तुटलेली असून विमानाचा बराचसा भाग जळून राख झाला आहे. दमकलच्या अनेक गाड्या घटनास्थळी दाखल झाल्या असून आग विझवण्याचे प्रयत्न सुरू आहेत. काही प्रमाणात आग नियंत्रणात आणण्यात यश आले आहे, मात्र संपूर्ण विमान अक्षरशः भस्मसात झाले आहे.

मेघाणीनगर परिसरात भीतीचे वातावरण या अपघातामुळे परिसरात भीती आणि गोंधळाचे वातावरण निर्माण झाले आहे. लोग भयभीत होऊन इधर-उधर पळताना दिसत आहेत. विमान जेथे कोसळले त्या ठिकाणी एक इमारत होती ती देखील मोठ्या प्रमाणावर क्षतिग्रस्त झाली आहे. विमानाचा जोरदार स्फोट आणि धडकेमुळे परिसर हादरून गेला.

सिव्हिल रुग्णालयातील डॉक्टरांच्या रजा रद्द अहमदाबाद विमानतळाजवळ असलेल्या सिव्हिल रुग्णालयातील सर्व डॉक्टरांच्या रजा रद्द करण्यात आल्या आहेत. आपत्ती व्यवस्थापन, अग्निशमन दल, पोलिस आणि एनडीआरएफचे पथक घटनास्थळी बचावकार्य करत आहे. प्रवाशांचे मृतदेह ओळखण्यास अडचण येत आहे, कारण बहुसंख्य मृतदेह आगीत पूर्णतः जळून गेले आहेत.

चौकशी आणि अधिकृत प्रतिक्रिया अद्याप प्रतीक्षेत एअर इंडिया आणि नागरी उड्डाण मंत्रालयाकडून अद्याप अधिकृत प्रतिक्रिया आली नाही. डीजीसीए आणि विमान अपघात तपास यंत्रणा (AAIB) यांनी अपघातस्थळी पोहोचून प्राथमिक चौकशी सुरू केली आहे.

अपघाताचे संभाव्य कारण प्राथमिक माहितीनुसार, विमान रनवेच्या शेवटी उड्डाण करताना भरधाव वेगात साइडला वळले आणि शेजारच्या संरचनेला धडकल्याचे सांगितले जात आहे. यामध्ये मानवी चूक, यांत्रिक बिघाड किंवा नियंत्रण यंत्रणेमधील गोंधळ याचीही शक्यता तपासली जात आहे.

(आम्ही ही बातमी सातत्याने अपडेट करत आहोत.)