कर्नल सोफिया कुरेशी यांच्याबद्दल आक्षेपार्ह विधान, मध्य प्रदेशातील मंत्र्यांच्या विरोधात FIR दाखल

कर्नल सोफिया कुरेशी यांच्याविषयी आक्षेपार्ह वक्तव्य केल्याबद्दल मध्य प्रदेशचे मंत्री कुंवर विजय शाह यांच्याविरुद्ध भारतीय न्याय संहिता (BNS) कलम १५२, १९६(१)(b), आणि १९७(१)(c) अंतर्गत गुन्हा दाखल करण्यात आला आहे. 

Madhya Pradesh : ऑपरेशन सिंदूर दरम्यान माध्यमांना माहिती देणाऱ्या कर्नल सोफिया कुरेशी यांच्याविषयी आक्षेपार्ह वक्तव्य केल्याबद्दल मध्य प्रदेशचे मंत्री कुंवर विजय शाह यांच्याविरुद्ध गुन्हा दाखल करण्यात आला आहे.भारतीय न्याय संहिता (BNS) कलम १५२, १९६(१)(b), आणि १९७(१)(c) अंतर्गत गुन्हा दाखल करण्यात आला आहे.जबलपूर येथील मध्य प्रदेश उच्च न्यायालयाच्या खंडपीठाने स्वतःहून या प्रकरणाची दखल घेतली आणि पोलिस महासंचालकांना तातडीने गुन्हा दाखल करण्याचे निर्देश दिल्यानंतर ही कारवाई करण्यात आली.

डॉ. मोहन यादव यांच्या कार्यालयाने X वर पोस्ट करत म्हटले आहे की, "मध्य प्रदेश उच्च न्यायालयाच्या आदेशानुसार, माननीय मुख्यमंत्र्यांनी कॅबिनेट मंत्री विजय शाह यांच्या वक्तव्यासंदर्भात कारवाई करण्याचे निर्देश दिले आहेत."

 न्यायमूर्ती अतुल श्रीधरन आणि न्यायमूर्ती अनुराधा शुक्ला यांच्या खंडपीठाने बुधवारी या प्रकरणाची सुनावणी केली.न्यायालयाने म्हटले आहे की, जर बुधवार संध्याकाळपर्यंत गुन्हा दाखल झाला नाही, तर न्यायालय राज्य पोलिस महासंचालकांविरुद्ध न्यायालयाच्या आदेशाचा अवमान केल्याबद्दल कारवाई करण्याचा विचार करू शकते."मंत्री विजय शाह यांनी केलेल्या वक्तव्यामुळे मुस्लिम समाज आणि इतर धर्माच्या लोकांमध्ये तेढ निर्माण होण्याची आणि शत्रुत्व किंवा द्वेष निर्माण होण्याची शक्यता आहे," असे न्यायालयाने आदेश प्रतीत म्हटले आहे.<br><br>न्यायालयाने महाधिवक्ता कार्यालयाला तातडीने हा आदेश राज्य पोलिस महासंचालकांच्या कार्यालयात पाठवण्याचे आणि तसे झाल्याची खात्री करण्याचे निर्देश दिले.या प्रकरणाची पुढील सुनावणी १५ मे रोजी होणार असून न्यायालयाने हे प्रकरण यादीत वरच्या क्रमांकावर ठेवले आहे.शाह यांच्या भाषणाचा व्हिडिओ क्लिप सोशल मीडियावर व्हायरल झाल्यानंतर हा वाद निर्माण झाला. आपल्या स्पष्टीकरणात, शाह म्हणाले की त्यांचे वक्तव्य संदर्भाबाहेर काढण्यात आले होते आणि ते कर्नल कुरेशी यांच्या शौर्याचे कौतुक करण्यासाठी होते.</p><p>ANI शी बोलताना, मंत्र्यांनी म्हटले, "माझी संपूर्ण पार्श्वभूमी लष्करी आहे. माझ्या कुटुंबातील अनेक सदस्य शहीद झाले आणि लष्करात होते... कर्नल सोफिया कुरेशी माझ्या खऱ्या बहिणीपेक्षाही श्रेष्ठ आहेत, ज्यांनी राष्ट्रीय धर्म पाळला आणि त्या लोकांवर सूड उगवला. ती (कुरेशी) माझ्या खऱ्या बहिणीपेक्षाही महत्त्वाची आहे. माझ्या मनात काहीही नव्हते; जर उत्साहातून काहीतरी निसटले आणि कोणाचे मन दुखावले असेल, तर मी मनापासून माफी मागतो. एकदा नाही, तर मी दहा वेळा माफी मागतो."मंत्र्यांनी पुढे म्हटले, "मी एक देशभक्त माणूस आहे, आणि प्रत्येक समाजातील लोकांनी राष्ट्रासाठी काम केले आहे. जर रागाच्या भरात काहीतरी निसटले आणि कोणाचे मन दुखावले असेल, तर मी सांगू इच्छितो की मी देव नाही; मीही एक माणूस आहे. मी त्याबद्दल दहा वेळा माफी मागतो."&nbsp;</p>