प्रेम हे प्रेम असतं... ट्रेनच्या प्रवासात पतीने पत्नीला लावून दिले नेलपेंट, VIDEO झाला व्हायरल

ट्रेनमध्ये प्रवास करताना एका पतीने आपल्या पत्नीच्या हाताच्या बोटांवर नेलपॉलिश लावल्याचा व्हिडिओ व्हायरल झाला आहे. 

बहुतेक मुलींना आपल्या पतीने आपल्याला राणीसारखे सांभाळावे, नेलपॉलिश लावावी, बाळासारखे जपावे असे वाटते. पण प्रत्येकाच्या नशिबी असा नवरा नसतो… तरुणपणी बहुतेक जोडपी एकमेकांवर प्रेम करतात. वय वाढल्यावर, मुले झाल्यावर, संसाराची जबाबदारी वाढल्यावर भांडणे सुरू होतात. म्हातारपणी पुन्हा एकमेकांच्या आधाराला येतात. पण काही लोक मरेपर्यंत भांडत राहतात. त्यांची गोष्ट वेगळीच… एका पतीने आपल्या पत्नीच्या हाताच्या बोटांवर नेलपॉलिश लावल्याचा व्हिडिओ व्हायरल झाला आहे. हा व्हिडिओ पाहून नेटकरी भावुक झाले आहेत.

gauriavadhawkar नावाच्या इंस्टाग्राम अकाउंटवरून हा व्हिडिओ पोस्ट करण्यात आला आहे. ट्रेनमध्ये प्रवास करताना हा वृद्ध आपल्या पत्नीच्या हातावर नेलपॉलिश लावत आहे. 'धावत्या जगात, ते शांतपणे बसले होते, तो तिच्या नखांना रंग लावत होता, ती पहिल्यांदाच त्याने तिचा हात धरल्यासारखे हसत होती. असे प्रेम कधीच जुने होत नाही, ते अधिक खोलवर जाते' असे कॅप्शन देऊन हा व्हिडिओ पोस्ट करण्यात आला आहे. असे प्रेम आजकाल दुर्मिळ झाले आहे. त्यामुळे हा व्हिडिओ पाहून नेटकरी भावुक झाले आहेत.

अनेक तरुण-तरुणींनी या पोस्टवर कमेंट केल्या आहेत. 'मलाही असे भाग्य दे देवा' अशी प्रार्थना केली आहे. काहींनी आपल्या वडिलांची आठवण काढली आहे. 'माझ्यासाठी असे करणारा एकमेव माणूस म्हणजे माझा पहिला प्रेम, माझे वडील' असे एकाने लिहिले आहे. 'ते आता आमच्यात नाहीत, मला त्यांची खूप आठवण येते' असे दुसऱ्याने लिहिले आहे. 'या आजोबांनी सगळ्यांचे मन जिंकले' असे एकाने लिहिले आहे. 'खरे प्रेम एकत्र वयस्कर होते' असेही कमेंट आल्या आहेत. 'असे प्रेम शंभरात एकालाच मिळते' असे म्हणत एकजण भावुक झाला आहे.

असे प्रेम आजकाल फार कमी दिसते. लग्न हा एक मोठा प्रवास आहे, त्यामुळे जोडीदार निवडताना खूप विचार करा असे एकाने लिहिले आहे. 'हे लोक फोन नसलेल्या काळात जन्मलेले आहेत. त्यांनी एकत्र खूप वेळ घालवला असेल' असे एकाने लिहिले आहे. एकंदरीत हा व्हिडिओ अनेकांना भावुक करणारा आहे.