१७ धार्मिक स्थळांवर मद्य विक्री बंदी, मध्य प्रदेश सरकारचा निर्णय

इंदूर. धार्मिक स्थळांवर मद्य, मांस बंदी घातली पाहिजे ही मागणी अनेकदा चर्चेत आली आहे. काही राज्यांनी याबाबत कडक पावले उचलली आहेत. आता राम, कृष्ण, शिव यांच्यासह १७ धार्मिक स्थळांवर मद्य विक्रीवर संपूर्ण बंदी घालण्याचे आदेश मध्य प्रदेशचे मुख्यमंत्री मोहन यादव यांनी दिले आहेत. धार्मिक स्थळांची पावित्र्यता, भाविक आणि मंदिरांच्या परंपरा लक्षात घेऊन मद्यबंदी लागू करण्यात आली आहे असे मोहन यादव यांनी सांगितले.

मध्य प्रदेशातील १७ धार्मिक स्थळांवर मद्य विक्री पूर्णपणे बंद करण्यात येत आहे असे मोहन यादव म्हणाले. तरुण पिढीने मद्यपानामुळे आपले जीवन उद्ध्वस्त करू नये. धार्मिक स्थळांच्या पावित्र्याला धक्का लागू नये. धार्मिक स्थळांवर मद्य विक्रीची गरज नाही. मंदिर, देवस्थान, मठांना जाणारे भाविक श्रद्धेने जातात. त्यामुळे ही परंपरा, पावित्र्य, आदर राखण्यासाठी मद्य विक्री बंदी घालण्यात येत आहे असे मोहन यादव म्हणाले.

१७ धार्मिक स्थळांवर मद्य विक्री बंदी घालण्यात आली आहे. त्याचप्रमाणे अयोध्येत श्रीरामांनी भ्रमण केलेली, वास्तव्य केलेली आणि अयोध्येतील श्रीरामांशी संबंधित स्थळे, श्रीकृष्ण आणि महाभारतातील पुराणप्रसिद्ध स्थळांवरही मद्य विक्री बंदी घालण्यात येईल. ही स्थळे तीर्थक्षेत्रे आणि धार्मिक पर्यटन स्थळे म्हणून विकसित केली जातील असे मोहन यादव म्हणाले. मध्य प्रदेश हे पुराणप्रसिद्ध राज्य आहे. अनेक धार्मिक स्थळे आणि ठिकाणे ऐतिहासिक महत्त्वाची आहेत. यासोबतच अनेक स्थळे योग्य व्यवस्थेअभावी भाविकांपासून दूर राहिली आहेत. ही सर्व स्थळे सरकार विकसित करेल असे मोहन यादव म्हणाले.  

मध्य प्रदेश सरकारच्या मद्यबंदीच्या निर्णयाचे भाजप नेत्या उमा भारती यांनी स्वागत केले आहे. १७ धार्मिक स्थळांवर मद्यबंदीचा निर्णय घेतल्याबद्दल मध्य प्रदेश सरकारचे अभिनंदन. संपूर्ण राज्यात मद्यबंदी लागू करणे चांगले राहील असे उमा भारती म्हणाल्या. गेल्या अनेक वर्षांपासून उमा भारती धार्मिक स्थळांवर मद्यबंदीसाठी लढत आहेत. मध्य प्रदेशात संपूर्ण मद्यबंदी लागू व्हावी अशी त्यांची मागणी आहे.

मध्य प्रदेश सरकारच्या या पावलाचे सर्वसामान्यांनी स्वागत केले आहे. मंदिरांच्या परिसरात, परिसरात मद्य विक्री थांबली पाहिजे. हे सर्वत्र लागू व्हावे अशी लोकांची मागणी आहे.