LPG Crisis: गॅस एजन्सीवाला ९१३ रुपयांपेक्षा जास्त मागतोय? एका फोनवर होईल कारवाई!

LPG Cylinder Overcharging Complaint Numbers And Action Guide: गॅस सिलेंडरचे दर ९१३ रुपयांवर पोहोचले आहेत. अशात जर गॅस एजन्सी किंवा डिलिव्हरी बॉय तुमच्याकडून बिलापेक्षा एक रुपयाही जास्त मागत असेल, तर गप्प बसू नका. सरकारने यासाठी कडक नियम बनवले असून काही हेल्पलाइन नंबर्स दिले आहेत, ज्यावर एका कॉलमध्ये एजन्सीवर तात्काळ कारवाई होऊ शकते.

LPG Overcharge Complaint: मिडल ईस्टमध्ये सुरू असलेल्या तणावामुळे आणि इराण-इस्रायल युद्धामुळे भारतात घरगुती गॅस (LPG) सिलेंडरची किंमत ९१३ रुपयांपर्यंत (दिल्लीतील दर) पोहोचली आहे. या महागाईत अनेक ठिकाणी गॅस एजन्सी किंवा डिलिव्हरी बॉय ठरलेल्या किमतीपेक्षा जास्त पैसे उकळू शकतात. जर तुमचा गॅसवालाही तुमच्याकडून ठरलेल्या किमतीपेक्षा एक रुपयाही जास्त मागत असेल, तर शांत बसू नका. सरकारने यासाठी कडक नियम बनवले आहेत. तुम्ही फक्त एका फोन कॉल किंवा मेसेजद्वारे तुमची तक्रार नोंदवू शकता आणि त्यावर लगेचच कारवाई होईल. चला जाणून घेऊया, कुठे आणि कशी तक्रार करायची...

पुरवठ्यात दिरंगाई आणि २५ दिवसांचा नवीन नियम काय आहे?

युद्धामुळे फक्त गॅस सिलेंडर महागच नाही, तर त्याच्या पुरवठ्याचंही संकट निर्माण झालं आहे. सरकारने आता एका सिलेंडरनंतर दुसरा सिलेंडर बुक करण्यासाठी २५ दिवसांचा वेटिंग पिरियड अनिवार्य केला आहे. घाबरून होणारी बुकिंग आणि काळाबाजार रोखण्यासाठी हे पाऊल उचललं आहे. यामुळे काही एजन्सी किंवा डिलिव्हरी बॉय ग्राहकांकडून जास्तीचे पैसे मागण्याची शक्यता आहे.

डिलिव्हरी बॉयने जास्त पैसे मागितल्यास काय करावं?

अनेकदा डिलिव्हरी बॉय 'टीप' किंवा 'डिलिव्हरी चार्ज'च्या नावाखाली २० ते ५० रुपये जास्त मागतात. पण नियमानुसार, तुमच्या गॅस बिलावर (Invoice) जी किंमत लिहिलेली आहे, तुम्हाला फक्त तेवढेच पैसे द्यायचे आहेत. कारण बिलामध्ये डिलिव्हरी चार्ज आधीच जोडलेला असतो.

गॅस एजन्सीने जास्त पैसे मागितल्यास कुठे तक्रार करावी?

१. टोल-फ्री हेल्पलाइन (1906)

हा संपूर्ण भारतासाठी एक कॉमन इमर्जन्सी आणि तक्रार नंबर आहे. तुम्ही कधीही यावर कॉल करून तुमच्या गॅस एजन्सीविरोधात जास्त पैसे घेतल्याची तक्रार नोंदवू शकता. याशिवाय इतर कोणत्याही समस्येबद्दल किंवा मनमानी कारभाराबद्दल तुम्ही तक्रार करू शकता. ही ऑल इंडिया ऑफिशियल LPG हेल्पलाइन आहे. इथे तुम्ही थेट तक्रार करू शकता. यासाठी एजन्सीचं नाव, डिलिव्हरीची तारीख, किती जास्त पैसे घेतले आणि तुमचा मोबाईल नंबर लागतो. ही तक्रार थेट तेल कंपनीपर्यंत पोहोचते.

२. ऑफिशियल कस्टमर केअर नंबर

Indane (इंडियन ऑइल) - 1800-233-3555

HP Gas (हिंदुस्तान पेट्रोलियम) - 1800-2333-555

Bharat Gas (भारत पेट्रोलियम) - 1800-22-4344

३. स्थानिक अन्न आणि नागरी पुरवठा कार्यालय

जर एजन्सी स्थानिक पातळीवर खूप त्रास देत असेल, तर तालुका पुरवठा कार्यालय (Taluka Supply Office) किंवा जिल्हा अन्न पुरवठा कार्यालयात (District Food Office) जाऊन लेखी तक्रार दिल्यास एजन्सीची चौकशी होऊ शकते.

४. ॲप किंवा वेबसाइट

याशिवाय, 'My LPG' ॲप किंवा mylpg.in या वेबसाइटवर जाऊनही ऑनलाइन तक्रार करता येते. इथे तुम्ही लेखी तक्रार करून पुरावा म्हणून बिलाचा फोटो अपलोड करू शकता. त्यानंतर तुम्हाला एक कंप्लेंट नंबर मिळतो. या सर्व तक्रारी ट्रॅक केल्या जातात आणि एजन्सीला त्यावर उत्तर द्यावं लागतं.

तक्रार करताना या ३ गोष्टी जवळ ठेवा

1. तुमचा ग्राहक आयडी (Consumer ID)
2. गॅस एजन्सीचं नाव
3. बिलाचा फोटो किंवा डिलिव्हरी बॉयचं नाव (शक्य असल्यास)

डिस्क्लेमर: या लेखातील माहिती सामान्य जागरूकतेसाठी आहे. येथे दिलेला ₹913 हा दर फक्त दिल्लीतील घरगुती गॅसचा आहे. वेगवेगळ्या राज्यांमध्ये आणि शहरांमध्ये स्थानिक करांमुळे (local tax) LPG च्या किमती वेगवेगळ्या असू शकतात. बुकिंगचे नियम आणि नवीन किमतींसाठी तुमच्या गॅस वितरकाशी (Distributor) संपर्क साधा किंवा तेल कंपनीच्या (IOCL, HPCL, BPCL) अधिकृत वेबसाइटला नक्की भेट द्या. तक्रार करण्यापूर्वी तुमच्याकडे वैध बिल आणि ग्राहक आयडी (Consumer ID) असणं आवश्यक आहे. हा लेख कोणत्याही विशिष्ट गॅस एजन्सीवर आरोप करत नाही, तर वाचकांना त्यांच्या ग्राहक हक्कांबाबत जागरूक करण्यासाठी लिहिला आहे.