Monalisa: कुंभमेळा व्हायरल गर्ल मोनालिसा आणि पती फरमानने सोडले लग्नावरील मौन!

Kumbh Mela Viral Girl Monalisa and Husband Farman Address Marriage Controversies: आमचं लग्न इतक्या मोठ्या थाटामाटात होईल असं वाटलं नव्हतं. या लग्नाला मंत्री व्ही. शिवनकुट्टी आणि सीपीएमचे राज्य सचिव एम. व्ही. गोविंदन हेही उपस्थित होते. सर्वांच्या प्रेमाबद्दल आम्ही आभारी आहोत, असं फरमान आणि मोनालिसा म्हणाले.

Kumbh Mela Viral Girl Monalisa and Husband Farman Address Marriage Controversies तिरुवनंतपुरम: कुंभमेळ्यामुळे देशभरात व्हायरल झालेली मुलगी मोनालिसा भोसले आणि तिचा पती मोहम्मद फरमान यांनी लग्नानंतर पहिल्यांदाच सर्वांच्या प्रेमाबद्दल आभार मानले आहेत. कालच तिरुवनंतपुरममधील पूवर श्री नयनार देव मंदिरात दोघांचं लग्न झालं. आमचं लग्न हिंदू रितीरिवाजांनुसार झालं असून, हे अरेंज मॅरेज होतं जे सुरुवातीला आम्हाला मान्य नव्हतं, असं दोघांनी स्पष्ट केलं. आम्ही सर्व धर्मांचा समान आदर करतो, असंही ते म्हणाले. मोहम्मद फरमानने सांगितलं की, तो मल्याळम सिनेमांमध्येही काम करत आहे.

प्रेमात धर्म बदलण्याची सक्ती नसते, असं फरमान म्हणाला. तसंच, मोनालिसा अल्पवयीन असल्याच्या चर्चाही त्याने फेटाळून लावल्या. तो म्हणाला, "आधार कार्डनुसार तिचं वय १८ वर्ष पूर्ण झालं आहे. मंदिराच्या कमिटीने सर्व कागदपत्रं तपासली आहेत. जन्म दाखल्यानुसारही तिचं वय १८ वर्ष पूर्ण आहे. आम्हाला 'के-स्मार्ट' (K-Smart) पोर्टलवरून विवाह नोंदणी प्रमाणपत्रही मिळालं आहे. त्यामुळे 'लव्ह जिहाद'च्या प्रचारात काहीही तथ्य नाही."

फरमान गेल्या ८ वर्षांपासून सिनेमाच्या कामासाठी तामिळनाडू आणि केरळमध्ये येत-जात असतो. केरळमध्येच एका सिनेमाच्या शूटिंगदरम्यान दोघांची ओळख झाली. सध्या उत्तर भारतात परत जाण्याबद्दल काहीही ठरवलेलं नाही, असं फरमानने सांगितलं. उत्तर भारतीय माध्यमांमध्ये मोनालिसा अल्पवयीन असल्याच्या बातम्या येत आहेत, त्या पूर्णपणे चुकीच्या आहेत. आम्ही सर्व परंपरांचा सारखाच आदर करतो, असंही तो म्हणाला. केरळमधील लोक सर्वांना माणूस म्हणून वागवतात, हीच गोष्ट केरळला खास बनवते, असं म्हणत त्याने केरळचं कौतुक केलं. आमचं लग्न इतक्या मोठ्या थाटामाटात होईल असं वाटलं नव्हतं. या लग्नाला मंत्री व्ही. शिवनकुट्टी आणि सीपीएमचे राज्य सचिव एम. व्ही. गोविंदन हेही उपस्थित होते. सर्वांच्या प्रेमाबद्दल आम्ही आभारी आहोत, असं फरमान आणि मोनालिसा म्हणाले.