जिओला ३७.६ लाख ग्राहकांचा फटका

नवी दिल्ली. भारतातील टेलिकॉममधील काही बदल आणि नवीन धोरणांमुळे खाजगी सेवा महाग झाली आहे. यामध्ये जिओ, एअरटेल, व्होडाफोन आयडिया यांच्या नेटवर्क रिचार्जच्या किमती वाढल्याने त्यांना फटका बसला आहे. गेल्या काही महिन्यांपासून खाजगी टेलिकॉमचे ग्राहक वेगवेगळ्या नेटवर्कवर पोर्ट होत आहेत. यामध्ये सर्वाधिक फटका बसलेला तो रिलायन्स जिओला. टप्प्याटप्प्याने जिओ ग्राहक गमावत आहे. गेल्या ३ महिन्यांत जिओने तब्बल ३७.६ लाख ग्राहक गमावले आहेत.

ट्रायने ऑक्टोबर महिन्याचा अहवाल प्रसिद्ध केला आहे. या अहवालात रिलायन्स जिओने ३७.६ लाख ग्राहक गमावले आहेत. तर व्होडाफोन आयडियाने १.९८ दशल्यन ग्राहक गमावले आहेत. मात्र एअरटेलने लाख खुलवले आहेत. एअरटेलने ग्राहकसंख्या वाढवली आहे. तर सरकारी मालकीची बीएसएनएलनेही ग्राहकसंख्या वाढवली आहे. सलग ४ महिन्यांपासून बीएसएनएल आपली ग्राहकसंख्या वाढवत आहे. ऑक्टोबर महिन्यात ५०१,९९४ ग्राहक बीएसएनएलमध्ये सामील झाले आहेत.

ऑक्टोबर महिन्यात १९.२८ लाख वायरलेस ग्राहक भारती एअरटेलमध्ये सामील झाले आहेत. यामुळे ऑक्टोबरमध्ये सक्रिय ग्राहकसंख्या २७.२३ लाखांनी वाढली आहे. ४६.३७ कोटी ग्राहक असलेल्या जिओची ऑक्टोबर महिन्यात ही संख्या ४६ कोटींवर आली आहे. जिओ सतत ग्राहक गमावत आहे. यामुळे जिओची चिंता वाढली आहे.

सुरुवातीला सर्व काही मोफत देऊन नंतर टप्प्याटप्प्याने किमती वाढवणाऱ्या जिओपासून आता ग्राहक बाहेर पडत आहेत. या दरम्यान, ग्राहकांना रोखण्यासाठी जिओने अनेक कमी किमतीच्या ऑफर जाहीर केल्या आहेत. किमती वाढल्याने नाराज झालेले ग्राहक जिओ सोडत आहेत. एवढेच नाही तर जिओच्या डेटा स्पीडबाबतही काही ग्राहकांनी नाराजी व्यक्त केली आहे. 

बीएसएनएल अतिशय कमी किमतीच्या रिचार्ज प्लानने ग्राहकांना आकर्षित करत आहे. बीएसएनएलने आपल्या रिचार्जच्या किमतीत वाढ केलेली नाही. उलट ग्राहकांना अतिशय कमी किमतीत ४जी डेटा आणि इतर सेवा देत आहे. एवढेच नाही तर देशभरात नेटवर्क मजबूत करत आहे. २०२५ च्या सुरुवातीलाच बीएसएनएल ५जी सेवा सुरू करत आहे. त्यामुळे ग्राहक आता बीएसएनएलकडे वळले आहेत. 

गेल्या काही महिन्यांत एअरटेललाही पोर्टिंगचा फटका बसला होता. मात्र ऑक्टोबर महिन्यात एअरटेलने आपले ग्राहक टिकवून ठेवण्यात आणि इतर नेटवर्कच्या ग्राहकांना आकर्षित करण्यात यश मिळवले आहे.