Honda's master plan : सेडान अन् एसयूव्ही मॉडेल्सवर भर; मारुती, ह्युंदाईला आव्हान

Honda's master plan : भारतीय बाजारपेठेत आपले स्थान मजबूत करण्यासाठी, होंडा 2030 पर्यंत नवीन 10 मॉडेस्ल लॉन्च करण्याची योजना आखत आहे. यामध्ये एसयूव्ही मॉडेल्सवर अधिक भर दिला जाईल, असे सांगण्यात येते. ह्युंदाई आणि मारुतीसाठी ते आव्हान आहे.

Honda's master plan : भारतात रस्त्यांवरील वाहनांच्या संख्येत दिवसागणिक गाड्यांची भर पडतच आहे. त्यामुळे या ग्राहकांना आपल्याकडे आकर्षित करण्याची स्पर्धा मोटारनिर्मिती करणाऱ्या कंपन्यांमध्येही लागली आहे. बहुराष्ट्रीय कंपन्यांमध्ये ही चढाओढ लागलेली असतानाच त्यात मारुती सुझूकी ही भारतीय कंपनी देखील त्यात आहे. मोठ्या गाड्या अर्थात एसयूव्ही खरेदीकडे अनेकांचा कल असतो. त्यादृष्टीनेच मोटारनिर्मिती कंपन्या त्यात नवनवीन प्रयोग करताना दिसत आहेत.

भारतीय कार बाजारात होंडा पुन्हा एकदा मोठी खेळी खेळण्यास सज्ज झाली आहे. मारुती, ह्युंदाईसारख्या आघाडीच्या कंपन्यांना टक्कर देण्यासाठी होंडाने येत्या काही वर्षांत अनेक नवीन मॉडेल्स सादर करण्याची योजना जाहीर केली आहे. विशेषतः, सेडान आणि एसयूव्ही सेगमेंटमधील होंडाचे आगामी अपडेट्स प्रतिस्पर्ध्यांसाठी मोठी डोकेदुखी ठरू शकतात.

2030 पर्यंत भारतीय बाजारपेठेत एकूण 10 नवीन वाहने लॉन्च करण्याची होंडाची योजना आहे. यापैकी 7 मॉडेल्स एसयूव्ही सेगमेंटमधील असतील हे विशेष. याशिवाय, काही ग्लोबल मॉडेल्स आणि इलेक्ट्रिक वाहने (EV) देखील भारतात आणण्याचा होंडाचा विचार आहे. या योजनेचा एक भाग म्हणून, 2026 मध्ये होंडाच्या दोन लोकप्रिय वाहनांना मोठे अपडेट मिळणार आहे.

यातील पहिले नाव आहे होंडा सिटी, जिने अनेक वर्षे भारतीय सेडान बाजारात आपले वर्चस्व गाजवले आहे. सध्या पाचव्या पिढीत असलेली ही कार 2026 मध्ये दुसरे मिड-लाइफ फेसलिफ्ट अपडेट मिळवेल अशी माहिती आहे. हे नवीन मॉडेल ह्युंदाई वरना, स्कोडा स्लाव्हिया आणि फोक्सवॅगन व्हर्टस यांसारख्या कारशी स्पर्धा करत राहील.

डिझाइनच्या बाबतीत, नवीन होंडा सिटीमध्ये नवीन ग्रिल, अपडेटेड फ्रंट आणि रिअर बंपर, नवीन LED हेडलॅम्प आणि टेल लॅम्प दिले जाऊ शकतात. इंटीरियरमध्ये मोठ्या बदलांची अपेक्षा नाही. इंजिनबद्दल बोलायचे झाल्यास, सध्याचे 1.5-लिटर नॅचरली एस्पिरेटेड पेट्रोल इंजिन आणि e:HEV हायब्रीड पर्याय कायम ठेवला जाईल, असे म्हटले जात आहे.

दुसरे मोठे अपडेट मिळवणारे मॉडेल म्हणजे होंडा एलिव्हेट. 2023 मध्ये लॉन्च झालेली ही एसयूव्ही, 2026 मध्ये फेसलिफ्ट मॉडेल मिळवणारी पहिली होंडा एसयूव्ही असेल. एक्सटीरियरमध्ये किरकोळ डिझाइन बदल आणि इंटीरियरमध्ये काही नवीन फीचर्स जोडले जाऊ शकतात.

एलिव्हेट फेसलिफ्ट मॉडेलमध्ये सध्याचे 1.5-लिटर पेट्रोल इंजिन (121 bhp, 145 Nm) कायम राहील. कारच्या आकारात कोणताही बदल होणार नाही, परंतु नवीन रंगांचे पर्याय दिले जाण्याची शक्यता आहे. या अपडेट्समुळे होंडा भारतीय बाजारपेठेत पुन्हा एकदा जोरदार स्पर्धा निर्माण करेल अशी अपेक्षा आहे.