ग्रेट खलींनी साधूंना केसांनी उचललं, व्हिडिओ व्हायरल

भागेश्वर धाममध्ये रेसलर दलीप सिंग राणा उर्फ द ग्रेट खली यांनी एका साधूंना त्यांचे केस धरून उचलल्याची घटना घडली आहे.

देश विदेशातील सेलिब्रिटींच्या आगमनामुळे चर्चेत असलेल्या भागेश्वर धाममध्ये रेसलर दलीप सिंग राणा उर्फ द ग्रेट खली यांनी एका साधूंना त्यांचे केस धरून उचलल्याची घटना घडली आहे. एकाच हाताने त्यांनी साधूंचे केस धरून वर उचलले असून, त्याचा व्हिडिओ आता सोशल मीडियावर व्हायरल झाला आहे. त्यांचे हे कौशल्य पाहून भागेश्वर धामचे स्वामीजी धीरेंद्र कृष्ण शास्त्री आश्चर्याने पाहत असल्याचा व्हिडिओ व्हायरल झाला आहे.

भागेश्वर धामच्या वतीने सुरू असलेल्या सनातन पदयात्रेत माजी रेसलर द ग्रेट खली सहभागी झाले होते. त्यावेळी एका साधूंनी त्यांना असे केस धरून उचलायला सांगितले. त्यानुसार द ग्रेट खली यांनी आपल्या एका हाताने स्वामीजींचे केस धरून वर उचलले.

हा व्हिडिओ आता सोशल मीडियावर व्हायरल झाला असून, साधूंच्या केसांची शक्ती आणि द ग्रेट खलीच्या बाहुबलाबद्दल लोक कौतुक करत आहेत. व्हिडिओमध्ये खली हे व्यासपीठावर भागेश्वर धामचे स्वामीजी धीरेंद्र कृष्ण शास्त्री आणि साधूंच्या शेजारी उभे असल्याचे दिसत आहे. साधूंच्या सांगण्यावरून खलींनी साधूंचे केस धरून वर उचलले. हे पाहून भागेश्वर धामचे स्वामीजीही आश्चर्यचकित झाले.

दरम्यान, ही सनातन एकता पदयात्रा भागेश्वर धामचे बाबा बागेश्वर चालवत असून, देशातील हजारो साधू या पदयात्रेत सहभागी झाले आहेत. यासाठी छत्रापूरपासून मध्य प्रदेशातील ओरछापर्यंत एकूण १६० किलोमीटरची पदयात्रा करण्यात आली. या पदयात्रेत बॉलिवूड अभिनेता संजय दत्त, कैलाश विजयवर्गीय यांच्यासह अनेक बॉलिवूड कलाकार, राजकारणी, खेळाडू सहभागी झाले होते.