Gold Rate : सोनं-चांदी महाग! जाणून घ्या दिल्ली, मुंबई, बंगळूरूसह प्रमुख शहरांमधील आजचे दर

आज १५ सप्टेंबर रोजी सोन्या-चांदीच्या दरांवर जागतिक बाजारपेठ, कच्च्या तेलाच्या किमती आणि व्याजदराच्या अपेक्षांचा परिणाम दिसून आला.

मुंबई : आज मंगळवार, १५ सप्टेंबर रोजी सोने आणि चांदीच्या दरांकडे खरेदीदार आणि गुंतवणूकदार दोघांचंही लक्ष लागून आहे. कारण जागतिक बाजारपेठेतील घडामोडी, कच्च्या तेलाचे दर, अमेरिकन डॉलरची स्थिती आणि व्याजदरांबाबतच्या अपेक्षा या सगळ्याचा परिणाम या मौल्यवान धातूंवर होत आहे.

ताज्या आकडेवारीनुसार, मुंब, चेन्नई, कोलकाता, बंगळुरू आणि हैदराबाद या शहरांमध्ये २४ कॅरेट सोन्याचा भाव प्रति १० ग्रॅमसाठी १,५४,०९० रुपये आहे. तर दिल्लीत हाच भाव थोडा जास्त म्हणजे १,५४,२४० रुपये आहे. २२ कॅरेट सोन्याबद्दल बोलायचं झाल्यास, दिल्ली वगळता इतर शहरांमध्ये हा दर प्रति १० ग्रॅमसाठी १,४१,२५० रुपये आहे, तर दिल्लीत तो १,४१,४०० रुपये आहे.

गुडरिटर्न्सच्या माहितीनुसार, बंगळूरूमध्ये आज २४ कॅरेट सोन्याचा दर प्रति ग्रॅम १५,४०८ रुपये (म्हणजे १० ग्रॅमसाठी १,५४,०८० रुपये) आणि २२ कॅरेट सोन्याचा दर प्रति ग्रॅम १४,१२४ रुपये (म्हणजे १० ग्रॅमसाठी १,४१,२४० रुपये) आहे. दुसऱ्या एका लाईव्ह रेट ट्रॅकरवर हेच दर प्रति ग्रॅम १५,४०९ रुपये आणि १४,१२५ रुपये दिसत आहेत. दोन्ही स्रोतांच्या दरांमध्ये अगदी किरकोळ फरक आहे.

सोन्या-चांदीचे आजचे दर: शहरानुसार तक्ता

शहर	२२ कॅरेट सोने (१० ग्रॅम)	२४ कॅरेट सोने (१० ग्रॅम)	चांदी (१ किलो)
रु १,४१,४००	रु १,५४,२४०	रु २,४४,९००
रु १,४१,२५०	रु १,५४,०९०	रु २,४४,९००
रु १,४१,२५०	रु १,५४,०९०	रु २,४४,९००
रु १,४१,२५०	रु १,५४,०९०	रु २,४४,९००
रु १,४१,२५०	रु १,५४,०९०	रु २,४४,९००
रु १,४१,२५०	रु १,५४,०९०	रु २,४४,९००

टीप: हे सोन्या-चांदीचे दर सूचक आहेत आणि दिवसभरात बदलू शकतात. जीएसटी आणि घडणावळ (मेकिंग चार्जेस) लागल्यानंतर दागिन्यांची अंतिम किंमत यापेक्षा जास्त असू शकते.

चांदीचे दरही चढेच राहिले आहेत. ९९९ शुद्धतेच्या चांदीचा ताजा भाव प्रति किलो सुमारे २,४४,९०० रुपये आहे, म्हणजेच प्रति १० ग्रॅमसाठी हा दर २,४४९ रुपये होतो.

जागतिक वित्तीय बाजारातील घडामोडींमुळे मौल्यवान धातूंच्या बाजारावर दबाव वाढत आहे. सोमवारी सोन्याच्या दरात मोठी घसरण झाली. स्पॉट गोल्ड ०.८% ने घसरून ४,३१२.५९ डॉलर प्रति औंसवर आले, तर चांदीच्या दरात १.२% घट झाली. कच्च्या तेलाच्या वाढत्या किमती आणि अमेरिकेतील महागाईची मजबूत आकडेवारी यामुळे चलनविषयक धोरण अधिक कठोर होण्याची शक्यता वाढली आहे, त्यामुळेच ही घसरण दिसून आली.

सोन्या-चांदीच्या बाजारासाठी कच्च्या तेलाच्या किमती हा आणखी एक महत्त्वाचा घटक ठरला आहे. पुरवठ्याच्या चिंतेमुळे ब्रेंट क्रूडचा भाव प्रति बॅरल १०६ डॉलरच्या वर गेला आहे. वाढत्या ऊर्जेच्या किमतींमुळे महागाईची चिंता आणखी वाढली आहे. महागाई वाढण्याच्या शक्यतेमुळे मध्यवर्ती बँका व्याजदरांबाबत कठोर निर्णय घेऊ शकतात, ज्याचा थेट परिणाम सोनं-चांदीसारख्या उत्पन्न न देणाऱ्या मालमत्तांच्या मागणीवर होतो.

स्थानिक कर, वाहतूक खर्च, मागणी, घडणावळ आणि इतर घटकांमुळे प्रत्येक शहरात आणि प्रत्येक सराफाकडे सोन्या-चांदीचे दर वेगवेगळे असू शकतात. तक्त्यामध्ये दिलेले दर केवळ सूचक असून त्यात जीएसटी आणि दागिन्यांच्या घडणावळीचा समावेश नाही.