डिल्लमधील युवकाने कुरियर स्कॅमर्सना चोख प्रत्युत्तर कसे दिले?

“मी त्या नंबरवर फोन केला तेव्हा एकाने फोन उचलला आणि मला सांगितले की तो दिल्ली पोलिसांचा वसंत कुंज येथील हेड कॉन्स्टेबल सुनील कुमार आहे.”

आजकाल किती प्रकारचे स्कॅम होतात! अनोळखी नंबरवरून फोन आला तर लोक घाबरतात. पण, स्कॅमर्सनाच चोख प्रत्युत्तर देणारेही अनेक आहेत. असाच एका युवकाने केलेला प्रताप व्हायरल होत आहे.

कुरियरच्या नावाखाली होणारे स्कॅम हे नेहमीचेच आहे. तुमच्या नावाने एक कुरियर आले आहे आणि त्यात विविध बनावट पासपोर्ट, ड्रग्ज आणि इतर काही साहित्य सापडले आहे, असे स्कॅमर्स सांगतात. याच युवकालाही असाच फोन आला होता.

एक्स वर शेअर केलेल्या पोस्टमध्ये शुभमने लिहिले आहे की, दिल्ली पोलिसांचा अधिकारी असल्याचे भासवून स्कॅमर्सनी त्याला फोन केला. शुभमच्या नावाने मलेशियाला पाठवलेल्या कुरियरमध्ये एमडीएमए, बनावट पासपोर्ट आणि डेबिट कार्ड सापडल्याचे सांगण्यात आले.

दिल्ली कस्टम्स डिपार्टमेंटमधील सुमित मिश्रा बोलत असल्याचे सांगून फोन आला होता. स्कॅमर्स असल्याचे लक्षात आल्यानंतरही शुभमने बोलणे सुरू ठेवले. कोणी मूर्ख आपल्या नावाने असे कुरियर करेल का, असा प्रश्न शुभमने विचारला. तसेच त्याने पोलिसांकडे ऑनलाइन तक्रारही दाखल केल्याचे सांगितले. पण, फोन करणाऱ्याने त्याला दिलेल्या नंबरवरच तक्रार करण्यास सांगितले.

त्या नंबरवर फोन केला असता दक्षिण दिल्लीचे पोलीस आयुक्त बोलत असल्याचे सांगण्यात आले. “मी त्या नंबरवर फोन केला तेव्हा एकाने फोन उचलला आणि मला सांगितले की तो दिल्ली पोलिसांचा वसंत कुंज येथील हेड कॉन्स्टेबल सुनील कुमार आहे. तो मला व्हिडिओ कॉल करेल आणि कुरियर माझ्या नावाने नसल्याचे सर्व काही व्हिडिओमध्ये सांगायला सांगितले,” असे शुभम म्हणाला.

ऑफिसला जाण्याऐवजी शुभम सरळ पोलीस स्टेशनला गेला. स्कॅमर्सनी फोन केला तेव्हा खऱ्या पोलिसांनी व्हिडिओ कॉल उचलला. त्यामुळे स्कॅमर फोन कट करून पळून गेला. या पोस्टवर अनेकांनी कमेंट्स केल्या. स्कॅमर्सना असेच प्रत्युत्तर द्यायला हवे, असे बहुतेकांनी म्हटले आहे.