तुम्हाला गर्लफ्रेंडसोबत सिओलला फिरायला जायचे आहे? तेही मोफत! दिल्लीच्या गुप्तांनी दिलीये ऑफर, केवळ एक अट आहे

Delhi Man Offers Free Seoul Trip Tickets : साखरपुडा मोडल्याने दुःखी झालेल्या दिल्लीच्या आशिष गुप्ताने सिओलची २ मोफत राऊंड-ट्रिप तिकिटे देऊ केली आहेत. ही तिकिटे फक्त 'आशिष' आणि 'राशी' नावाच्या जोडप्यासाठीच वैध आहेत.

Delhi Man Offers Free Seoul Trip Tickets : तुम्ही कुठे फिरायला जाण्याचा विचार करत आहात का? तर तुमच्यासाठी दोन तिकिटे मोफत उपलब्ध आहेत. ही राऊंड-ट्रिप फ्लाइट तिकिटे पूर्णपणे मोफत आहेत. ही ऑफर प्रेमभंग झालेल्या एका तरुणाने दिली आहे. सिओल ट्रिपसाठी एका तिकिटाची किंमत किमान १५,००० रुपये आहे. दोन व्यक्तींसाठी राऊंड-ट्रिप म्हणजे सर्वात स्वस्त फ्लाइट तिकीट बुक केले तरी ६०,००० रुपये लागतील. साखरपुड्यानंतर लगेचच नाते तुटल्याच्या दुःखात या तरुणाने ही ऑफर दिली आहे. नक्की काय आहे हे संपूर्ण प्रकरण?

साखरपुड्यानंतर मोडले नाते

या घटनेबद्दल एका युझरने रेडिटवर सांगितले आहे. लग्नाची सर्व तयारी झाली असतानाच लग्न मोडले. यानंतर, त्या तरुणाने रेडिटवर आपले दुःख व्यक्त करत सिओल ट्रिपच्या तिकिटांची ऑफर दिली. दिल्लीत राहणाऱ्या आशिष गुप्ताचे लग्न गुडगावच्या एका मुलीशी ठरले होते. साखरपुडाही झाला होता. दोघे एकमेकांना भेटत होते, बोलत होते. सर्व काही ठीक चालले होते. कुटुंबीय, जवळचे मित्र, सर्वांना सांगण्यात आले होते. जसजसे लग्न जवळ येत होते, तसतसे बोलता-बोलता हनिमूनचा विषयही निघाला. दोघांनी मिळून हनिमूनची जागाही ठरवली होती.

कॉकटेल पार्टीनंतर मुलीने घेतला यू-टर्न

लग्न जवळ आल्यावर दोघे एकत्र एका कॉकटेल पार्टीत गेले. दोघांनी पार्टीत खूप एन्जॉय केले. पण पार्टी संपताच होणाऱ्या पत्नीने अचानक यू-टर्न घेतला. तिने सांगितले की तिला लग्न करायचे नाही. कारण विचारल्यावर तिने सांगितले की तिला 'ओपन मॅरेज' आवडते आणि असे म्हणून ती निघून गेली. आशिष गुप्ताने आपले दुःख व्यक्त करताना म्हटले, 'आमचे कुटुंब पारंपरिक विचारांचे आहे, मी त्यांना ओपन मॅरेजबद्दल कसे सांगू, काय करू?'

दुःखी मनाने आशिषने दिली तिकिटांची ऑफर

ठरलेले लग्न मोडल्याच्या दुःखात आशिष गुप्ताने सांगितले की, जर कोणाला सिओल ट्रिपला जायचे असेल, तर ते जाऊ शकतात. त्याने सांगितले की ही राऊंड-ट्रिप तिकिटे आहेत. खरं तर, लग्न जवळ आल्यावर आशिषने हनिमूनसाठी सिओलची तिकिटे बुक केली होती. सिओल हे दक्षिण कोरियामधील एक सुंदर ठिकाण आहे. त्याने दोन तिकिटे बुक केली होती. आता या तिकिटांवर कोणीही सिओलला जाऊ शकते. पण एक अट आहे, तुमचे नाव 'आशिष' आणि तुमच्या गर्लफ्रेंडचे नाव 'राशी' असायला हवे. आशिष गुप्ताने रेडिटवर सांगितले की ही एकमेव अट आहे, कारण तिकिटे आशिष आणि राशीच्या नावावर बुक आहेत.

लोकांनी आशिषला दिला सोलो ट्रिपचा सल्ला

अनेकांनी आशिष गुप्ताला धीर देत म्हटले, 'जेव्हा तिकिटे बुक झालीच आहेत, तर तू एकटाच सोलो ट्रिपला जाऊन रिफ्रेश होऊन ये. बरे झाले की लग्न झाले नाही, जर लग्नानंतर असे झाले असते तर काय झाले असते?'