T20 World Cup 2024 : 'इंडियाज किंग रोहित शर्मा...', वानखेडे स्टेडियमवर घोषणांचा जयघोष; पाहा व्हिडिओ
T20 World Cup 2024 : वानखेडे स्टेडियमवर चाहते 'मुंबई चा राजा रोहित शर्मा' आणि 'इंडियाचा राजा रोहित शर्मा'च्या घोषणा देत आहेत. मरीन ड्राईव्ह ते वानखेडे स्टेडियमपर्यंत चाहत्यांची गर्दी झाली आहे.
T20 World Cup 2024 : मुंबई T20 विश्वचषक 2024 जिंकून भारतीय क्रिकेट संघ मुंबईत आला आहे. काही वेळाने मुंबईतील मरीन ड्राइव्ह येथून विजयी परेड काढण्यात येणार आहे. खुल्या बसमधून खेळाडू वानखेडे स्टेडियमवर जातील.
वानखेडे स्टेडियमवर टी-20 विश्वचषक जिंकल्याचा जल्लोष साजरा
विश्वचषकातील विजयाचा जल्लोष आज वानखेडे स्टेडियमवर होणार आहे. यासाठी प्रवेश विनामूल्य आहे. मोठ्या संख्येने चाहते स्टेडियमवर पोहोचले आहेत. कर्णधार रोहित शर्माच्या घोषणांनी स्टेडियम दुमदुमत आहे. लोक भारत के राजा रोहित शर्मा आणि मुंबईचा राजा रोहित शर्मा अशा घोषणा देत आहेत. मरीन ड्राईव्ह ते वानखेडे स्टेडियमपर्यंत चाहत्यांची गर्दी झाली आहे. प्रत्येकाच्या चेहऱ्यावर विजयाचा आनंद दिसत आहे. हजारो लोकांनी मुंबई विमानतळाबाहेर पोहोचून खेळाडूंचे स्वागत केले.
वानखेडे स्टेडियमवर खेळाडूंचा करण्यात येणार गौरव
T20 विश्वचषक 2024 जिंकल्यानंतर भारतीय संघाचा वानखेडे स्टेडियमवर सत्कार करण्यात येणार आहे. वानखेडे स्टेडियम चाहत्यांनी तुडुंब भरू लागले आहे. 'मुंबई चा राजा रोहित शर्मा' आणि 'भारत चा राजा रोहित शर्मा' च्या घोषणांनी मैदान दुमदुमत आहे.विश्वचषकात संघाला विजय मिळवून देणारा स्थानिक खेळाडू रोहित शर्माची चाहत्यांची प्रतीक्षा आहे. वानखेडे स्टेडियमवर सायंकाळी ७ वाजता सत्कार समारंभ सुरू होईल. भारतीय संघ वानखेडे स्टेडियमवर पोहोचेपर्यंत वानखेडे स्टेडियम पूर्णपणे खचाखच भरलेले असेल.
पावसात टीम इंडियाच्या विजयाचा आनंद साजरा करण्यासाठी चाहते जमले
मुंबईत पाऊस पडला. यानंतरही लोक टीम इंडियाच्या विजयाचा आनंद साजरा करण्यात व्यस्त आहेत. पावसाच्या दरम्यान, रोहित शर्मा आणि त्याच्या टीमचे स्वागत करण्यासाठी लोक वानखेडे स्टेडियमवर उभे आहेत. पाऊस पाहता अनेकांनी छत्र्या आणल्या आहेत.
शनिवारी टीम इंडियाने फायनलमध्ये दक्षिण आफ्रिकेला पराभूत करून T20 वर्ल्ड कप 2024 जिंकला. भारतीय संघ रविवारी भारतात परतणार होता, मात्र वादळामुळे संघ बार्बाडोसमध्ये अडकला होता. बीसीसीआयने खेळाडूंना आणण्यासाठी चार्टर फ्लाइटची व्यवस्था केली. टीम इंडिया गुरुवारी सकाळी दिल्लीत आली. पंतप्रधान नरेंद्र मोदी यांनी खेळाडूंची भेट घेतली.
आणखी वाचा :