
LPG Price Hike: आजपासून जून महिना सुरू झाला आणि महिन्याच्या पहिल्याच दिवशी सर्वसामान्यांना आणि दुकानदारांना महागाईचा एक झटका बसला आहे. सरकारी तेल कंपन्यांनी गॅस सिलेंडरच्या दरांमध्ये बदल केला आहे. व्यावसायिक वापराच्या (कमर्शियल) गॅस सिलेंडरच्या किमती वाढल्या आहेत. तेल कंपन्यांनी यात तब्बल ₹53.50 पर्यंत वाढ केली आहे. याशिवाय, 5 किलोच्या सिलेंडरचे दरही वाढले आहेत. चला, तुमच्या शहरात सिलेंडरचे नवे दर काय आहेत ते पाहूया.
हा सिलेंडर सहसा हॉटेल्स आणि रेस्टॉरंटमध्ये वापरला जातो. त्यामुळे आता बाहेर खाणं-पिणं थोडं महाग होऊ शकतं. रेस्टॉरंटमधली थाळी, सकाळचा चहा-नाश्ता आणि लग्नसमारंभातील केटरिंगचा खर्चही वाढण्याची शक्यता आहे.
दिल्ली: आधी ₹3071.50 ला मिळणारा सिलेंडर आता ₹3113.50 ला मिळेल. म्हणजेच तो ₹42 ने महागला आहे.
मुंबई: आधीचा दर ₹3024.00 होता, तो आता ₹3067.50 झाला आहे.
कोलकाता: इथे सर्वाधिक ₹53.50 रुपयांची वाढ झाली आहे. नवीन दर ₹3255.50 आहे.
चेन्नई: इथे सिलेंडरसाठी आता ₹3283.00 मोजावे लागतील. आधी हा दर ₹3237.00 होता.
पत्त्याच्या पुराव्याशिवाय मिळणाऱ्या 5 किलोच्या FTL सिलेंडरला 'छोटू सिलेंडर' असंही म्हणतात. विद्यार्थी, बाहेरगावी राहणारे मजूर किंवा छोटे-मोठे व्यावसायिक याचा जास्त वापर करतात. आजपासून छोटू सिलेंडरच्या दरात ₹11 ची वाढ झाली आहे. या दरवाढीनंतर, आधी ₹810.50 ला मिळणारा हा सिलेंडर आता ₹821.50 ला मिळणार आहे. दिलासादायक बाब म्हणजे, 5 किलोच्या घरगुती सिलेंडरच्या दरात कोणताही बदल झालेला नाही, त्याची किंमत ₹339 वर स्थिर आहे.
घरात वापरल्या जाणाऱ्या नेहमीच्या 14.2 किलोच्या घरगुती एलपीजी सिलेंडरच्या दरात कोणताही बदल करण्यात आलेला नाही. तुमच्या शहरात जुनेच दर लागू राहतील. दिल्लीत याची किंमत ₹913, मुंबईत ₹912.50, कोलकातामध्ये ₹93, चेन्नईत ₹928.50 आणि पाटण्यात ₹1011 इतकी आहे.