Liquor Smuggling : गॅस सिलेंडरमध्ये लपवली दारू, तस्करीचा धक्कादायक प्रकार; पोलिसांचा छापा; पाहा व्हिडिओ
सार
दारू तस्करीचा एक अजब प्रकार समोर आला आहे. वाहन तपासणीदरम्यान एका व्यक्तीने गॅस सिलेंडरमध्ये लपवलेले दारूचे १२७ टेट्रा पॅक अधिकाऱ्यांनी जप्त केले आहेत.
पाटणा : बिहारच्या गोपाळगंजमध्ये दारू तस्करीचा एक अत्यंत धक्कादायक प्रकार उघडकीस आला आहे. इथे एका व्यक्तीने दारू लपवण्यासाठी चक्क गॅस सिलेंडरचा वापर केला. उत्पादन शुल्क विभागाच्या (Excise Department) तपासणी मोहिमेत या भन्नाट जुगाडाचा पर्दाफाश झाला.
ही व्यक्ती दुचाकीवरून गॅस सिलेंडर घेऊन जात होती, तेव्हा अधिकाऱ्यांनी त्याला थांबवले. बाहेरून हा सिलेंडर अगदी सामान्य दिसत होता. पण, जेव्हा अधिकाऱ्यांनी त्याची बारकाईने तपासणी केली, तेव्हा आतमध्ये एक गुप्त कप्पा बनवल्याचं त्यांच्या लक्षात आलं.
गोपालगंज में शराब तस्करी का अनोखा जुगाड़ सामने आया। तस्करों ने गैस सिलेंडर कटवाकर उसके अंदर गुप्त तहखाना बना रखा था। बाइक में भी छिपा लॉकर तैयार किया गया था, जिसमें फ्रूटी पैकेट के बीच शराब छिपाकर ले जाने की तैयारी थी। पुलिस ने तस्करी के इस तरीके का खुलासा किया। 😳 https://t.co/lpjusZ7cNd
— qpzm news (@qpzmnews) October 5, 2026
सिलेंडरमध्ये सापडले दारूचे १२७ पॅक
मिळालेल्या माहितीनुसार, अधिकाऱ्यांनी या गुप्त कप्प्यातून गावठी दारूचे १२७ टेट्रा पॅक जप्त केले आहेत. हा सिलेंडर अशा प्रकारे कापून तयार केला होता की, वरवर पाहता कोणालाही संशय येऊ नये.
याशिवाय, अधिकाऱ्यांना दुचाकीमध्येही एक लपवलेली जागा सापडली. काही दारूचे पॅक दुचाकीच्या सीटखाली लपवून ठेवले होते. पोलिसांच्या डोळ्यात धूळफेक करून दारूची वाहतूक करण्यासाठी हा सगळा खटाटोप केल्याचं स्पष्ट झालं.
आरोपीला अटक, दुचाकी जप्त
या कारवाईनंतर उत्पादन शुल्क विभागाने दुचाकी आणि दारू जप्त करून आरोपीला अटक केली आहे. ही दारू कुठून आणली आणि कुठे नेली जात होती, याची माहिती काढण्यासाठी अधिकारी आता त्याची कसून चौकशी करत आहेत.
या तस्करीच्या रॅकेटमध्ये आणखी कोणाचा सहभाग आहे का, याचाही तपास विभाग करत आहे.
दारू वाहतुकीसाठी वापरलेल्या या अनोख्या पद्धतीमुळे सध्या या घटनेची जोरदार चर्चा सुरू आहे. पोलिसांच्या नाकावर टिच्चून दारूची तस्करी करण्यासाठी आरोपीने गॅस सिलेंडर आणि दुचाकीमध्ये बनवलेले हे गुप्त कप्पे पाहून अधिकारीही चक्रावून गेले आहेत.