Bengaluru Woman Death: चॉकलेट खाल्लं आणि ती कोसळली; बंगळुरूच्या तरुणीचा गूढ मृत्यू

बंगळुरूची २३ वर्षीय वर्षा हसनमधील सकलेशपूर येथील एका लॉजमध्ये मरण पावली. चॉकलेट खाल्ल्यानंतर बाथरूमकडे जाताना ती अचानक खाली कोसळली. ती ११ सप्टेंबरला तिच्या चुलत भावासोबत आणि एका मैत्रिणीसोबत तिथे आली होती. पोलिसांनी या दोघांची चौकशी केली असून मृतदेह शवविच्छेदनासाठी पाठवला आहे.

बंगळुरूची एक २३ वर्षीय तरुणी कर्नाटकातील हसन जिल्ह्यातील एका लॉजमध्ये मरण पावली. चॉकलेट खाल्ल्यानंतर ती अचानक खाली कोसळली, अशी माहिती पोलिसांनी बुधवारी दिली. वर्षा असं या तरुणीचं नाव असून ती ११ सप्टेंबरला तिच्या चुलत भावासोबत आणि एका मैत्रिणीसोबत सकलेशपूरला फिरायला गेली होती. तिथे एका लॉजमध्ये थांबलेली असताना ही घटना घडली. हसनच्या पोलीस अधीक्षकांनी दिलेल्या माहितीनुसार, आंघोळीला जाण्यापूर्वी वर्षाने एक चॉकलेट खाल्लं होतं. त्यानंतर बाथरूमकडे जाताना ती अचानक खाली कोसळली.

बाथरूमकडे जाताना तरुणी कोसळली

वर्षाच्या शरीरावर कोणत्याही बाह्य जखमा नसल्याचं पोलिसांनी सांगितलं. तिच्या या अचानक झालेल्या मृत्यूची सध्या चौकशी सुरू आहे. तिच्यासोबत फिरायला गेलेल्या त्या दोन जणांचीही पोलिसांनी चौकशी केली आहे. इंडिया टुडेच्या एका वृत्तानुसार, वर्षा हसनला गेल्याची तिच्या पालकांना कल्पना होती, असं हसनच्या एसपींनी स्पष्ट केलं. ती ज्या सकलेशपूरमध्ये थांबली होती, ते बंगळुरूपासून सुमारे १९० किलोमीटर अंतरावर आहे.

सध्या तरी चॉकलेटचा आणि तिच्या मृत्यूचा काही संबंध आहे का, हे पोलिसांनी स्पष्ट केलेलं नाही. शवविच्छेदन अहवाल येईपर्यंत मृत्यूचं नेमकं कारण समजू शकणार नाही.

पोलिसांना शवविच्छेदन अहवालाची प्रतीक्षा

बंगळुरू: पोलिसांनी या प्रकरणी अनैसर्गिक मृत्यूची नोंद केली असून वर्षाचा मृतदेह शवविच्छेदनासाठी पाठवला आहे.

या २३ वर्षीय तरुणीचा मृत्यू नेमका कशामुळे झाला, हे या अहवालातून स्पष्ट होईल अशी तपास अधिकाऱ्यांना आशा आहे. या अहवालातील निष्कर्षांनंतरच पोलीस पुढील कारवाईची दिशा ठरवणार आहेत.

तपासाचा एक भाग म्हणून वर्षासोबत गेलेल्या त्या दोन जणांची कसून चौकशी करण्यात आली आहे. याशिवाय लॉजमधील परिस्थिती आणि ती कोसळण्यापूर्वी नेमक्या काय घटना घडल्या, याचाही पोलीस तपास करत आहेत.

अधिकाऱ्यांनी अद्याप मृत्यूचं कोणतंही ठोस कारण दिलेलं नाही. तिचा मृत्यू एखाद्या आजारामुळे झाला, तिने खाल्लेल्या एखाद्या पदार्थामुळे झाला की यामागे आणखी काही कारण आहे, हे ठरवण्यासाठी शवविच्छेदन अहवाल अत्यंत महत्त्वाचा ठरणार आहे.

वर्षाचा मृत्यू अतिशय अचानक झाल्यामुळे अनेक प्रश्न निर्माण झाले आहेत. मात्र नेमकं काय घडलं, हे तपास अधिकाऱ्यांना अद्याप शोधता आलेलं नाही. या प्रकरणाचा तपास सुरू असून वैद्यकीय तपासणीनंतरच मृत्यूचं नेमकं कारण समोर येईल, असं पोलिसांनी स्पष्ट केलं आहे.