PHOTOS : चिन्नास्वामी स्टेडियममध्ये झालेल्या चेंगराचेंगरी अशी उडाली धावपळ

आईपीएल ट्रॉफी जिंकलेल्या आरसीबी संघाच्या विजयोत्सवाच्या जल्लोषात चिन्नास्वामी स्टेडियमजवळ चेंगराचेंगरी झाली आणि ११ जणांचा मृत्यू झाला. गर्दी नियंत्रित करण्यात अपयशी ठरलेल्या राज्य सरकारवर विरोधी पक्षांनी टीका केली आहे.

१८ वर्षांनी आयपीएल ट्रॉफी जिंकणाऱ्या आरसीबीच्या विजयोत्सवाचा जल्लोष बंगळुरूमध्ये दुर्दैवी ठरला.

चिन्नास्वामी स्टेडियमजवळ झालेल्या चेंगराचेंगरीत आतापर्यंत ११ जणांचा मृत्यू झाल्याची माहिती आहे. वैदेही आणि बाउरिंग रुग्णालयात अनुक्रमे ४ आणि ७ जणांचा मृत्यू झाला.

अपेक्षेपेक्षा जास्त चाहते आयपीएल ट्रॉफी विजेत्या संघाला पाहण्यासाठी चिन्नास्वामी स्टेडियमवर आले होते.

अहमदाबादमध्ये झालेल्या आयपीएल अंतिम सामन्यात आरसीबीने किंग्ज इलेव्हन पंजाबला ६ धावांनी हरवून पहिल्यांदाच आयपीएल ट्रॉफी जिंकली.

ट्रॉफी जिंकताच विराट कोहली भावुक झाला आणि त्याचे अश्रू पाहून चाहतेही भावुक झाले. पण कोहलीच्या अश्रूंवर शोक व्यक्त करणारे आज काळाच्या पडद्याआड गेले ही शोकांतिका आहे.

इतक्या मोठ्या संख्येने चाहते येतील याचा अंदाज असतानाही राज्य सरकारने योग्य ती व्यवस्था केली नव्हती. योग्य बॅरिकेड्स आणि व्यवस्था असती तर हा प्रकार टाळता आला असता.

मुले, तरुण अशा ११ जणांचा मृत्यू झाल्याने त्यांच्या कुटुंबीयांचा हंबरडा रुग्णालयाबाहेर ऐकू येत होता.

पोलिस लहान मुलांना उचलून रुग्णालयात नेत होते, हे दृश्य चिन्नास्वामी स्टेडियमवर सर्वत्र दिसत होते.

चेंगराचेंगरी झाल्यावर रस्त्यावरच कोसळलेल्या आणि बेशुद्ध पडलेल्या चाहत्याला उपस्थितांनी सीपीआर देत असल्याचा व्हिडिओ व्हायरल झाला आहे.

या घटनेत १४ वर्षीय दिव्यांशीचाही मृत्यू झाला. ९वीत शिकणारी दिव्यांशी तिच्या काकूसोबत स्टेडियमवर आली होती.

आरसीबीच्या चाहत्यांनी चिन्नास्वामी स्टेडियमचा मुख्य दरवाजा तोडून आत जाण्याचा प्रयत्न केला. पोलिसांनी लाठीमारही केला.

विरोधी पक्षांनी सरकारवर टीका केली असून ही सरकारने केलेली हत्या असल्याचा आरोप केला आहे.

मृतांची संख्या वाढत असताना स्टेडियममध्ये आरसीबीचा जल्लोष सुरू होता. मात्र, कार्यक्रमाचा कालावधी कमी करण्यात आला.

उपमुख्यमंत्री डीके शिवकुमार म्हणाले, मोठ्या संख्येने चाहते आले होते. ५ हजार पोलिस तैनात करण्यात आले होते, पण गर्दी नियंत्रित करता आली नाही.

मुख्यमंत्री सिद्धरामय्या आणि गृहमंत्री जी. परमेश्वर यांनी बाउरिंग रुग्णालयात जाऊन जखमींची विचारपूस केली.