Bengaluru Traffic: जेवढा वेळ फ्लाईटला, तेवढाच वेळ एअरपोर्टला पोहोचायला; तरुणाचा व्हिडीओ व्हायरल

बंगळुरूच्या ट्रॅफिकबद्दल एका तरुणाचा इन्स्टाग्राम व्हिडिओ व्हायरल झाला आहे. तो ज्या व्यक्तीला घ्यायला गेला होता, त्याच्या फ्लाईटला जेवढा वेळ लागला, तेवढाच वेळ त्याला केम्पेगौडा आंतरराष्ट्रीय विमानतळावर पोहोचायला लागला, असा दावा त्याने केला आहे. या व्हिडिओमुळे शहरातील नागरिकांच्या त्रासावर पुन्हा एकदा चर्चा सुरू झाली आहे.

बंगळुरूचं ट्रॅफिक आणि केम्पेगौडा आंतरराष्ट्रीय विमानतळापर्यंतचा लांबचा प्रवास हा पुन्हा एकदा चर्चेचा विषय बनला आहे. एका तरुणाने दावा केला आहे की, तो ज्या व्यक्तीला घ्यायला विमानतळावर गेला होता, त्याच्या फ्लाईटला जेवढा वेळ लागला, तेवढाच वेळ त्याला गाडी चालवून तिथे पोहोचायला लागला. तो म्हणाला की, प्रवासी दोन तासांच्या प्रवासात जवळपास १,५०० किलोमीटरचं अंतर पार करून आला, पण त्याला मात्र शहरातल्या ट्रॅफिकमधून रस्ता काढण्यातच तेवढा वेळ लागला.

@mr.bhasad नावाच्या इन्स्टाग्राम हँडलवरून या तरुणाने एक व्हिडिओ पोस्ट करून बंगळुरू विमानतळाच्या प्रवासाबद्दलचा आपला वैताग व्यक्त केला आहे. या क्लिपमध्ये, त्या तरुणाने फ्लाईटचा वेळ आणि त्याला विमानतळावर पोहोचायला लागलेल्या वेळेची तुलना केली आहे.

तो म्हणाला, "भावा, मी बंगळुरू एअरपोर्टला वैतागलोय. मी आता एकाला घ्यायला आलोय, त्याची फ्लाईट दोन तासांची होती. मला ट्रॅफिकमध्ये किती वेळ लागला? दोन तास. तो १५०० किलोमीटरवरून तीन राज्यं ओलांडून दोन तासांत इथे पोहोचला, पण मी अजून एअरपोर्टला पोहोचू शकलो नाही, यार. बस झालं आता हे शहर." व्हिडिओवर 'बंगळुरू एअरपोर्टला पोहोचणं म्हणजे एक संघर्ष आहे' असं लिहिलं होतं, तर कॅप्शनमध्ये फक्त 'स्ट्रगल इज रिअल' असं म्हटलं होतं.

त्याच्या या त्रासामुळे बंगळुरूमधील अनेक स्थानिकांच्या समस्येवर प्रकाश पडला आहे, ज्याबद्दल ते नेहमीच ऑनलाइन चर्चा करत असतात. विशेषतः गर्दीच्या वेळी शहराच्या एका भागातून आंतरराष्ट्रीय विमानतळावर जाण्यासाठी किती वेळ लागतो, हा एक मोठा प्रश्न आहे.

व्हायरल व्हिडिओ पाहा

इंटरनेटवर लोकांच्या प्रतिक्रिया

या व्हिडिओवर अनेक युजर्सनी प्रतिक्रिया दिल्या आहेत, कारण त्यांनाही विमानतळापर्यंतचा प्रवास आणि फ्लाईटच्या वेळेतील हा फरक चांगलाच माहिती आहे.

एका युझरने गंमतीत लिहिलं, "दोन तासांची फ्लाईट, दोन तास एअरपोर्टला जायला. हेच खरं बंगळुरू." दुसऱ्याने मस्करी करत म्हटलं, "कधीतरी गुडगावला या." तर काही जणांनी हा अनुभव शहरात राहणाऱ्या प्रत्येकालाच येत असल्याचं म्हटलं. एका व्यक्तीने कमेंट केली, "बंगळुरूमध्ये राहणाऱ्यांसाठी हे खूपच वेदनादायी आणि खरं आहे," तर दुसऱ्याने लिहिलं, "बंगळुरूच्या ट्रॅफिकला कोणी हरवू शकत नाही."