Bank Strike Deferred : बँक ग्राहकांसाठी गुड न्यूज, आजपासून होणारा ३ दिवसांचा संप पुढे ढकलला

२८ ते ३० सप्टेंबर दरम्यान होणारा ३ दिवसांचा देशव्यापी बँक संप तात्पुरता पुढे ढकलण्यात आला आहे. IBA आणि UFBU यांच्यातील चर्चा यशस्वी झाल्याने हा निर्णय घेण्यात आला. त्यामुळे आता सर्व बँकांचे कामकाज नेहमीप्रमाणे सुरू राहील.

मुंबई : बँक ग्राहकांसाठी एक मोठी आणि दिलासादायक बातमी आहे. आजपासून सुरू होणारा ३ दिवसांचा देशव्यापी बँक संप तात्पुरता पुढे ढकलण्यात आला आहे. युनायटेड फोरम ऑफ बँक युनियन्सने (UFBU) या संपाची हाक दिली होती. हा संप २८ ते ३० सप्टेंबर दरम्यान होणार होता. पण, इंडियन बँक्स असोसिएशन (IBA) आणि UFBU यांच्यात झालेली महत्त्वाची बैठक यशस्वी ठरली. या सकारात्मक चर्चेनंतर संप पुढे ढकलण्याचा निर्णय घेण्यात आला.

ग्राहकांना दिलासा:

चर्चेतून चांगला मार्ग निघाल्यामुळे बँक कर्मचाऱ्यांनी संपाचा निर्णय मागे घेतला आहे. त्यामुळे आजपासून (२८ सप्टेंबर) सर्व बँकांच्या शाखा आणि बँकिंग सेवा नेहमीप्रमाणे सुरू राहतील. स्टेट बँक ऑफ इंडिया (SBI) सह इतर बँकांनीही आपल्या ग्राहकांना अधिकृत सूचना (Customer Advisory) देऊन ही माहिती दिली आहे. संप टळल्यामुळे ग्राहकांना आता टेन्शन घेण्याची गरज नाही. ते आपल्या नेहमीच्या कामांसाठी बँकेत जाऊ शकतात.