Bajrang Dal कार्यकर्त्यांची इंदूरमधील कॉलेजमध्ये धुडघूस, Valentines Day चा स्टेज तोडला!

Bajrang Dal Attacks Indore College Over Valentines Day Event : इंदूरमधील नरसी मुंजी इन्स्टिट्यूटवर बजरंग दलाच्या कार्यकर्त्यांनी हल्ला केला आहे. व्हॅलेंटाईन डे सेलिब्रेशनसाठी उभारलेला स्टेज तोडून 'जय श्री राम'च्या घोषणा दिल्या. 

Bajrang Dal Attacks Indore College Over Valentines Day Event : मध्य प्रदेशातील इंदूरमध्ये एका कॉलेजवर बजरंग दलाने हल्ला केला आहे. व्हॅलेंटाईन डे सेलिब्रेशनसाठी उभारलेला स्टेज आणि खांब तोडून टाकले आहेत. कॉलेजचे सुरक्षा रक्षक आणि विद्यार्थ्यांनाही मारहाण करण्याचा प्रयत्न झाला. व्हॅलेंटाईन डे साजरा करू देणार नाही, असे बजरंग दलाचे कार्यकर्ते ओरडत असल्याचे दृश्य समोर आले आहे. बजरंग दलाच्या कार्यकर्त्यांनी हल्ल्यासोबतच 'जय श्री राम'च्या घोषणाही दिल्या.

इंदूरच्या नरसी मुंजी इन्स्टिट्यूटमध्ये हा हल्ला झाला. कॅम्पसमध्ये बेकायदेशीरपणे घुसून बजरंग दलाच्या कार्यकर्त्यांनी स्टेज आणि खांबांची तोडफोड केली आणि 'जय श्री राम'च्या घोषणा दिल्या. व्हॅलेंटाईन डे सेलिब्रेशन दरम्यान अश्लील शब्दांचा वापर करण्यात आल्याचा आरोप बजरंग दलाच्या कार्यकर्त्यांनी केला.

मात्र, संस्थेने हे आरोप फेटाळून लावले आहेत. विद्यार्थ्यांनी आयोजित केलेल्या कार्यक्रमात आलेल्या जमावाने पायाभूत सुविधांचे नुकसान केले आणि कार्यक्रमात व्यत्यय आणला, असे अधिकाऱ्यांनी सांगितले.

सोशल मीडियावर व्हिडिओ व्हायरल

कॅम्पसमध्ये कार्यकर्ते काठ्या घेऊन विद्यार्थ्यांच्या दिशेने धावत असल्याचे दृश्य सोशल मीडियावर व्हायरल झाले आहे. त्यानंतर कॉलेज अधिकाऱ्यांनी पोलिसांना माहिती दिली. पोलिसांना माहिती न देता कार्यक्रम आयोजित करण्यात आला होता आणि विद्यार्थी व हिंसाचार करणारे गुन्हेगारच या घटनेला जबाबदार आहेत, असे पोलिसांनी म्हटले आहे. सध्या, सीसीटीव्ही फुटेजच्या आधारे हल्लेखोरांना ओळखण्याचे प्रयत्न पोलिसांनी सुरू केले आहेत. त्यानंतरच पुढील कारवाई केली जाईल, असे त्यांनी सांगितले.