भारताच्या नौदलाची ताकद वाढणार, अमेरिकेकडून मिळणार 'हे' अत्याधुनिक शस्त्र

भारत-अमेरिका यांच्यात पाणबुडीविरोधी शस्त्रास्त्रांबाबत करार झाला. या कराराने भारताला AN/SSQ-53G अँटी-सबमरीन सोनोबॉय, AN/SSQ-62F अँटी-सबमरीन सोनोबॉय, AN/SSQ-36 सोनोबॉय मिळणारय. याने शत्रूंच्या पाणबुड्यांवर लक्ष ठेवणे,चोख प्रत्युत्तर देणे सोपे होणारय. 

भारताच्या नौदलाची ताकद वाढणार आहे. अमेरिका लवकरच भारताला पाणबुडीविरोधी सोनोबॉय शस्त्रे पुरवणार आहे. या संदर्भात शनिवारी दोन्ही देशांमध्ये $50 दशलक्षपेक्षा जास्त किमतीचा करार झाला आहे. अमेरिकेने भारताला पाणबुडीविरोधी सोनोबॉय पुरवण्यास मान्यता दिली आहे. हे आधुनिक शस्त्र केवळ पाणबुडीचे समुद्रावरील हल्ल्यांपासून संरक्षण करणार नाही तर शत्रूंना चोख प्रत्युत्तरही देईल. यासोबतच शत्रूंच्या हालचालींवर लक्ष ठेवण्याचे कामही त्याच्या मदतीने सोपे होणार आहे. अमेरिकेसोबत केलेल्या करारामुळे चीन नक्कीच निराश झाला असावा.

भारत आणि अमेरिका यांच्यात झाला होता हा करार

संरक्षण मंत्री राजनाथ सिंह हे सध्या अमेरिकेच्या दौऱ्यावर आहेत. येथे दोन्ही देशांमध्ये पाणबुडीविरोधी शस्त्रास्त्रांबाबत करार झाला आहे. अमेरिकेने आता भारताला पाणबुडीविरोधी शस्त्रे पुरवण्याचा आणि त्याचे संबंधित भाग विकण्याचा करार केला आहे. या डीलमध्ये भारताला AN/SSQ-53G अँटी-सबमरीन सोनोबॉय, AN/SSQ-62F अँटी-सबमरीन सोनोबॉय आणि AN/SSQ-36 सोनोबॉय मिळेल. पाणबुडी सुरक्षित ठेवण्यासाठी हे काम करेल.

चीनच्या कारवायांना आळा बसेल

भारत आणि चीनमधील वाद नवा नाही. हिंद महासागर आणि पॅसिफिक महासागर क्षेत्रात पाणबुड्यांद्वारे हेरगिरी केल्याचा आरोप चीनवर यापूर्वी अनेकदा करण्यात आला आहे. अँटी सबमरीनच्या मदतीने हेरगिरी केल्याचा आरोप करण्यात आला आहे. भारतीय नौदलात अँटी सबमरीनचा समावेश केल्याने चीनचे षड्यंत्रही थांबू शकतात. भारत त्याचा आपल्या सशस्त्र दलात समावेश करेल. अलीकडेच चीनने आपली सर्वात हायटेक पाणबुडीही लाँच केली आहे.

भारत आणि अमेरिका यांच्यातील संबंध अधिक दृढ होतील

या करारामुळे भारत आणि अमेरिका यांच्यातील संबंध आणखी घट्ट होतील. हा करार अमेरिकेच्या परराष्ट्र धोरण आणि राष्ट्रीय सुरक्षेच्या उद्दिष्टांना पाठिंबा देईल. यासोबतच जेट इंजिन, मानवरहित प्लॅटफॉर्म, हाय-टेक शस्त्रे, ग्राउंड मोबिलिटी सिस्टीम आदींच्या निर्मितीवरही चर्चा झाली.

आणखी वाचा :