सकाळी उशिरा उठणे, वाचन नाही; तरीही यश मिळवता येते: कोट्यधीश उद्योजक

मी सकाळी साडेआठ किंवा नऊ वाजता उठायचो. वाचनापेक्षा सोशल मीडिया आणि पॉडकास्टद्वारे माहिती मिळवणे मला आवडते, असे गोयल म्हणाले.

जीवनात यशस्वी होण्यासाठी बहुतेक लोक काही शिस्तीचे नियम पाळण्याचा सल्ला देतात. उदाहरणार्थ, सकाळी लवकर उठणे, ज्ञान देणारी पुस्तके वाचणे. मात्र, मी असे कोणतेही यशमंत्र पाळले नाही, असे उद्योजक आणि आयआयटी बॉम्बेचे माजी विद्यार्थी आणि वीसव्या वर्षीच कोट्यधीश झालेले अमन गोयल म्हणतात. 

ग्रेलॅब्स एआयचे सीईओ अमन गोयल आहेत. एक्स (ट्विटर) वर अमन यांनी लिहिले आहे की, यशासाठी आवश्यक मानले जाणारे सामान्य सवयी माझ्याकडे नव्हत्या. मी सकाळी साडेआठ किंवा नऊ वाजता उठायचो. वाचनापेक्षा सोशल मीडिया आणि पॉडकास्टद्वारे माहिती मिळवणे मला आवडते, असे गोयल म्हणाले. यशासाठी प्रसारित होणाऱ्या या सवयी आंधळेपणाने पाळण्याची गरज नाही, असेही ते म्हणतात. 

उद्योजक होण्याचे तीन सोपे मार्गही ते सांगतात. मौल्यवान काहीतरी तयार करणे, ते ग्राहकांना देणे, आणि आपली आर्थिक उद्दिष्टे पूर्ण होईपर्यंत योग्य प्रकारे काम करणे हे ते मार्ग आहेत. 

सकाळी लवकर उठणे यासारख्या गोष्टींना कमी लेखण्यासाठी मी हे लिहित नाही, तर प्रभावशाली लोकांनी निर्माण केलेल्या FOMO (Fear of missing out) मुळे तुम्हाला काहीच करता येत नाही असे वाटू नये म्हणून मी हे लिहित आहे, असेही गोयल म्हणतात.

या पोस्टवर अनेकांनी प्रतिक्रिया दिल्या आहेत. गोयल यांच्या समर्थनार्थ आणि त्यांच्या मतांशी असहमत असलेल्या प्रतिक्रिया आहेत. एका व्यक्तीने प्रतिक्रिया दिली की, 'चांगल्या सवयी यशस्वी होण्याची शक्यता वाढवतात. कॉलेजचे शिक्षण अर्धवट सोडलेले सर्वजण यशस्वी स्टार्टअप्स तयार करत नाहीत. असे सोडून जाणाऱ्यांपेक्षा A, A+ श्रेणींनी उत्तीर्ण होणाऱ्यांना अधिक संधी असतात.'