Live-in Relationship: एखाद्या विवाहित पुरुषासोबत लिव्ह-इन रिलेशनशिपमध्ये राहणं हा गुन्हा आहे का? या प्रश्नावर अलाहाबाद हायकोर्टाने एक महत्त्वाचा निकाल दिला आहे, ज्यामुळे देशभरात मोठी चर्चा सुरू झाली आहे.
विवाहित पुरुषासोबत लिव्ह-इनमध्ये राहणं गुन्हा आहे का?
एक विवाहित पुरुष आणि एक महिला लिव्ह-इन रिलेशनशिपमध्ये एकत्र राहत होते. त्यांना कुटुंब आणि समाजाकडून धमक्या मिळत होत्या. त्यामुळे, आपल्या जीवाला धोका असल्याचं सांगत त्यांनी संरक्षणासाठी कोर्टात धाव घेतली.
25
हायकोर्टाचं स्पष्टीकरण
या प्रकरणावर सुनावणी करताना हायकोर्टाने स्पष्ट केलं की, 'विवाहित व्यक्तीसोबत लिव्ह-इनमध्ये राहणं कायद्याच्या दृष्टीने गुन्हा नाही.' दोघेही स्वतःच्या इच्छेने एकत्र राहत असतील, तर ती त्यांची वैयक्तिक निवड आहे, असं कोर्टाने म्हटलं.
35
कोर्टाने मांडलेला महत्त्वाचा मुद्दा
पण कोर्टाने आणखी एक महत्त्वाचा मुद्दा अधोरेखित केला. असे संबंध समाजाच्या नजरेत कदाचित मान्य नसतील, पण कायद्याच्या दृष्टीने याला चुकीचं म्हणता येणार नाही. व्यक्तीचं स्वातंत्र्य आणि आयुष्याचे निर्णय घेण्याच्या अधिकाराचा आदर करणं महत्त्वाचं आहे, असं कोर्टाने स्पष्ट केलं.
यासोबतच, या जोडप्याच्या जीवाला कोणताही धोका असल्यास, त्यांना संरक्षण देणं हे पोलिसांचं कर्तव्य आहे, असा आदेश कोर्टाने दिला. व्यक्तीच्या सुरक्षेला पहिलं प्राधान्य देणारी ही एक महत्त्वाची सूचना मानली जात आहे.
55
सोशल मीडियावर जोरदार चर्चा
हा निकाल समोर आल्यानंतर सोशल मीडियावर मोठी चर्चा सुरू झाली आहे. काही जण या निर्णयाचं समर्थन करत आहेत, तर काही जण हा निर्णय परंपरेच्या विरोधात असल्याचं म्हणत टीका करत आहेत.
