VIROSH Wedding : विजय-रश्मिकाच्या संगीत सोहळ्याचा पहिला फोटो व्हायरल, दोघांच्या आयुष्यातील मोठा दिवस!

Vijay Deverakonda and Rashmika Mandanna Sangeet Photo : उदयपूरमध्ये विजय देवरकोंडा आणि रश्मिका मंदाना यांच्या संगीत सोहळ्याचा पहिला फोटो व्हायरल झालाय. यात दोघेही हातात हात घालून चालताना दिसत आहेत. 

Vijay Deverakonda and Rashmika Mandanna Sangeet Photo : रश्मिका मंदाना आणि विजय देवरकोंडा यांच्या लग्नाची चाहते आतुरतेने वाट पाहत होते, आणि आता तो क्षण आला आहे. उदयपूरमध्ये सुरू असलेल्या त्यांच्या लग्नाच्या कार्यक्रमांमधला एक खास फोटो इंटरनेटवर व्हायरल झाला आहे. साखरपुडा आणि हळदीनंतर आता संगीत सोहळ्यातील दोघांचा हातात हात घेतलेला पहिला फोटो समोर आला आहे. या फोटोमध्ये दोघेही एकत्र चालताना दिसत आहेत. रश्मिका शिमरी लेहेंग्यात खूपच सुंदर दिसत होती, तर विजय काळ्या रंगाच्या पारंपरिक कुर्त्यामध्ये एकदम डॅशिंग दिसत होता. सोशल मीडियावर 'VIROSH' चा हा फोटो सध्या जोरदार ट्रेंड करत आहे.

Vijay Deverakonda Rashmika Mandanna Sangeet Viral PHOTO

रिपोर्ट्सनुसार, संगीत सोहळा एका धमाकेदार पार्टीत बदलला, जिथे या कपलने आपल्या जवळच्या मित्र-मैत्रिणी आणि कुटुंबासोबत मनसोक्त डान्स केला. या कार्यक्रमासाठी गाण्यांची प्लेलिस्टही खूप खास होती. यात त्यांच्याच सिनेमांमधील गाण्यांचा समावेश होता, जी वर्षानुवर्षे चाहत्यांची आवडती आहेत. 'गीता गोविंदम', 'डिअर कॉम्रेड' पासून ते 'पुष्पा 2: द रुल' पर्यंतच्या गाण्यांनी कार्यक्रमात रंगत आणली. याशिवाय 'कल्याणी वच्चा वच्चा' आणि 'इंकेम इंकेम' सारख्या गाण्यांनी वातावरण थोडं इमोशनलही केलं.

Pushpa च्या गाण्याने वाढवला कार्यक्रमाचा उत्साह

संगीत कार्यक्रमातील संध्याकाळचं सर्वात मोठं आकर्षण ठरलं ते म्हणजे 'पुष्पा: द राइज' सिनेमातील व्हायरल ट्रॅक 'पीलिंग्स'. जसं हे गाणं वाजलं, तसे सगळे पाहुणे डान्स फ्लोअरवर आले आणि संपूर्ण वातावरणात एक वेगळीच एनर्जी आली. सूत्रांनी दिलेल्या माहितीनुसार, या जोडप्याने संगीत सोहळा अगदी खाजगी ठेवला होता, ज्यात फक्त जवळचे मित्र आणि कुटुंबच सामील झाले होते. सिनेसृष्टीतील सहकारी आणि सेलिब्रिटींसाठी एका मोठ्या रिसेप्शनची वेगळी तयारी केली जात आहे. याआधी दोघांनीही त्यांच्या इन्स्टाग्राम स्टोरीमधून हळदी समारंभाची झलक शेअर केली होती.

लग्नाला हजेरी लावण्यासाठी दिग्दर्शक संदीप रेड्डी वांगा आणि अभिनेत्री कल्याणी प्रियदर्शन यांच्यासह अनेक चित्रपटसृष्टीतील कलाकार उदयपूरला पोहोचले आहेत. मिळालेल्या माहितीनुसार, लग्नाचा मुहूर्त सकाळी 8 वाजताचा होता. पण, अद्याप दोघांनी लग्नगाठ बांधली आहे की नाही किंवा विधी अजून सुरू आहेत, याबद्दल कोणतीही अपडेट समोर आलेली नाही.