Rashmika Vijay Wedding: अखेर तो दिवस उजाडला, रश्मिका-विजय आज अडकणार लग्नबंधनात, सकाळी ८ वाजता मुहूर्त

Rashmika Mandanna and Vijay Deverakonda Get Married : स्टार जोडी रश्मिका मंदान्ना आणि विजय देवरकोंडा गुरुवारी लग्नबंधनात अडकणार आहेत. हा विवाहसोहळा सकाळी ८ वाजता कर्नाटकच्या कोडावा आणि तेलुगू अशा दोन्ही पद्धतींनुसार पार पडणार आहे.

Rashmika Mandanna and Vijay Deverakonda Get Married : अखेर तो क्षण आलाच! प्रसिद्ध स्टार जोडी रश्मिका मंदान्ना आणि विजय देवरकोंडा गुरुवारी लग्नगाठ बांधणार आहेत. सकाळी ८ वाजताच्या मुहूर्तावर हा विवाहसोहळा पार पडेल. विशेष म्हणजे, हा विवाह कर्नाटकच्या कोडावा आणि तेलुगू अशा दोन्ही संस्कृतींच्या परंपरेनुसार होणार आहे.

राजस्थानातील उदयपूरच्या ITC हॉटेलमध्ये शाही विवाहसोहळा

हा शाही विवाहसोहळा राजस्थानातील उदयपूर येथील आयटीसी (ITC) हॉटेलमध्ये होणार आहे. बुधवारीच जवळचे मित्र आणि कुटुंबीयांच्या उपस्थितीत हळदीचा कार्यक्रम मोठ्या उत्साहात पार पडला. विजय हा आंध्र प्रदेशचा आहे, तर रश्मिका कर्नाटकच्या ಕೊಡगु (कोडागु) भागातील आहे. त्यामुळेच, सूत्रांनी दिलेल्या माहितीनुसार, दोघांनीही आपापल्या पारंपरिक पद्धतींनुसार लग्नविधी करण्याचा निर्णय घेतला आहे.

पंतप्रधानांकडून शुभेच्छा:

पंतप्रधान नरेंद्र मोदी यांनी रश्मिका आणि विजय जोडीला खास शुभेच्छा दिल्या आहेत. त्यांनी आपल्या संदेशात म्हटलं आहे, 'रश्मिका, विजय आणि त्यांच्या कुटुंबीयांचं खूप खूप अभिनंदन. तुमच्या दोघांच्या आयुष्यात एका नव्या अध्यायाची ही सुरुवात आहे. सप्तपदी चालून तुम्ही दोघं आयुष्यभरासाठी एकमेकांचे मित्र बनता. तुमचे पुढील आयुष्य स्वप्नांनी आणि त्यांच्या पूर्ततेने भरलेले असो. दोघांनाही खूप खूप शुभेच्छा.'