विजय देवरकोंडा आणि रश्मिका मंदान्ना सध्या हैदराबादच्या जुबली हिल्स येथील विजयच्या मोठ्या बंगल्यात राहतात. 'अर्जुन रेड्डी' हिट झाल्यानंतर विजयने हे घर घेतलं होतं. तो तिथे आपल्या आई-वडिलांसोबत राहतो. पण लग्नानंतर ही जोडी शमशाबाद एअरपोर्टजवळच्या नव्या घरात राहायला जाणार असल्याची सध्या जोरदार चर्चा आहे.
25
१००० चौरस वार (स्क्वेअर यार्ड) जागेत व्हिला
शमशाबाद परिसरातील एका मोठ्या लक्झरी प्रोजेक्टमध्ये विजय आणि रश्मिकाने व्हिला बुक केल्याची बातमी आहे. जवळपास १००० चौरस वार (स्क्वेअर यार्ड) जागेत हा व्हिला असून, यात मागे मोकळी जागा आणि प्रायव्हेट स्विमिंग पूल आहे. या प्रोजेक्टच्या आजूबाजूला डोंगर असून तिथे कृत्रिम धबधबा आणि पाण्याचे कालवेही तयार करण्यात आले आहेत.
35
लक्झरी व्हिलाची किंमत किती?
या लक्झरी व्हिलाची किंमत १२ कोटी रुपयांपेक्षा जास्त असल्याचं समजतंय. इथल्या दोन व्हिलांमध्ये बरंच अंतर ठेवण्यात आलंय, जेणेकरून राहणाऱ्यांना पूर्ण प्रायव्हसी मिळेल. विजय आणि रश्मिकाने इथे घर घेतल्याची चर्चा सुरू झाली असली, तरी दोघांकडूनही अद्याप कोणतीही अधिकृत घोषणा करण्यात आलेली नाही.
विजय आणि रश्मिकाच्या या नव्या घराच्या बातमीने सोशल मीडियावर चांगलीच चर्चा रंगली आहे. विशेषतः लग्नानंतर दोघे नव्या घरात जाणार असल्याच्या बातमीने चाहत्यांची उत्सुकता वाढवली आहे. पण जोपर्यंत अधिकृत माहिती समोर येत नाही, तोपर्यंत या फक्त चर्चाच आहेत.
55
आगामी सिनेमा
सध्या विजय देवरकोंडा आणि रश्मिका मंदान्ना त्यांच्या आगामी 'रणबाली' चित्रपटाच्या रिलीजची वाट पाहत आहेत. राहुल सांकृत्यान दिग्दर्शित हा चित्रपट १६ ऑक्टोबरला थिएटरमध्ये धडकणार आहे. लग्नानंतर विजय आणि रश्मिकाचा एकत्र येणारा हा पहिलाच चित्रपट असल्याने प्रेक्षकांमध्ये मोठी उत्सुकता आहे.
