Sunny Deol starer Border 2 Box Office Collection : सनी देओलचा 'बॉर्डर 2' बॉक्स ऑफिसवर थांबायचं नाव घेत नाहीये. दुसऱ्या वीकेंडला सिनेमाने जवळपास 55.2 कोटी रुपयांची कमाई केली आहे. पण टॉप 10 सर्वाधिक कमाई करणाऱ्या सिनेमांमध्ये सामील होऊ शकलेला नाही.
दुसऱ्या वीकेंडमधील बंपर कमाईमुळे अनुराग सिंह दिग्दर्शित हा वॉर ड्रामा देशांतर्गत बॉक्स ऑफिसवर 300 कोटींच्या क्लबमध्ये सामील झाला आहे. पहिल्या आठवड्यात या सिनेमाने 244.97 कोटी रुपये कमावले होते. तर दुसऱ्या वीकेंडला तीन दिवसांचे कलेक्शन अनुक्रमे 12.53 कोटी, 20.17 कोटी आणि 22.50 कोटी रुपये होते. यासह सिनेमाचे एकूण कलेक्शन 300.17 कोटी रुपये झाले आहे.
25
दुसऱ्या वीकेंडच्या कमाईत 'बॉर्डर 2' टॉप 10 मधून बाहेर
दुसऱ्या वीकेंडमध्ये सर्वाधिक कमाई करणाऱ्या टॉप 10 सिनेमांची यादी पाहिल्यास, 'बॉर्डर 2' त्यात स्थान मिळवू शकलेला नाही. या यादीत सामील होण्यासाठी सिनेमाला दुसऱ्या वीकेंडमध्ये किमान 71.12 कोटी रुपये कमवायचे होते. पण सिनेमा हा आकडा गाठू शकला नाही.
35
आमिर खानच्या 10 वर्षे जुन्या 'दंगल'च्या मागे 'बॉर्डर 2'
दुसऱ्या वीकेंडमध्ये 'बॉर्डर 2' आमिर खानच्या 10 वर्षे जुन्या 'दंगल' सिनेमाला मागे टाकण्यात अयशस्वी ठरला, जो सध्या टॉप 10 च्या यादीत 10 व्या स्थानावर आहे. नितेश तिवारी दिग्दर्शित या बायोपिक स्पोर्ट्स ड्रामा सिनेमाने दुसऱ्या वीकेंडमध्ये 71.12 कोटी रुपये कमावले होते.
