हृदयविकाराच्या झटक्यानंतर श्रेयस तळपदेचे अप्रतिम पुनरागमन, 'कर्तम भुगतम'मधून प्रेक्षकांच्या भेटीला

नुकताच प्रदर्शित झालेला 'कर्तम भुगतम' चित्रपट लोकांच्या पसंतीस उतरला आहे. श्रेयस तळपदेच्या आरोग्यविषयक आलेल्या समस्यानंतर त्याच्या पुनरागमनाने चाहते खुश झाले आहेत.

श्रेयस तळपदेचा 'कर्तम भुगतम' हा चित्रपट 17 मे रोजी चित्रपटगृहात प्रदर्शित झाला आहे. विशेष म्हणजे हा चित्रपट हिंदीसोबतच तेलुगू, तामिळ, कन्नड आणि मल्याळम भाषांमध्येही प्रदर्शित झाला आहे. या चित्रपटाद्वारे श्रेयसने हृदयविकाराच्या झटक्यानंतर पुनरागमन केले आहे. या चित्रपटाचे दिग्दर्शन 'काल' आणि 'लक'चे दिग्दर्शक सोहम शाह यांनी केले आहे.हा चित्रपट लोकांच्या चांगलाच पसंतीस उतरला आहे.

'कर्तम भुगतम्'ची कथा काय आहे?

तुम्हाला श्रद्धा आणि ज्योतिषशास्त्रात रस असेल तर हा चित्रपट तुम्हाला एक नवीन दृष्टीकोन देऊ शकतो. यात सायकॉलॉजिकल थ्रिलर, मिस्ट्री आणि सस्पेन्स सर्वकाही आहे.चित्रपटाची कथा श्रेयस तळपदे म्हणजेच देव यांच्याभोवती फिरते, जो आपल्या मृत वडिलांचे काम पूर्ण करण्यासाठी दहा वर्षांनी न्यूझीलंडहून भोपाळला परततो. विजय राज एका ज्योतिषी अण्णाच्या भूमिकेत आहेत. ज्याला आपल्या ज्योतिषाच्या क्षमतेबद्दल खूप प्रशंसा मिळते. चित्रपटाची सुरुवात ज्योतिषशास्त्रातील एका घटनेने होते. ज्यामध्ये देवाच्या कल्पनेला आव्हान दिले जाते. अण्णा देव यांच्यासमोर अशा गोष्टी उघड करतात, ज्या जाणून घेऊन तो अनिश्चिततेच्या जाळ्यात अडकतो.

जाणून घ्या चित्रपटातील स्टारकास्ट :

'कर्तम भुगतम' चित्रपटाच्या स्टारकास्टबद्दल सांगायचे तर, श्रेयस तळपदेने या चित्रपटात देवची भूमिका अतिशय सुरेखपणे साकारली आहे. अण्णांच्या भूमिकेतही विजयने जबरदस्त अभिनय केला आहे. यासोबतच सोहम पी शाहचे दिग्दर्शनही वाखाणण्याजोगे आहे. चित्रपटाची पटकथा अतिशय सशक्त आहे आणि तो चित्रपटाचा जीव आहे. चित्रपट सुरुवातीपासून शेवटपर्यंत ट्विस्ट आणि टर्नने प्रेक्षकांना गुंतवून ठेवतो. ज्यांना सायकॉलॉजिकल थ्रिलर चित्रपट आवडतात त्यांनी हा चित्रपट आवर्जून पाहावा. अशा परिस्थितीत आम्ही या चित्रपटाला 3.5 स्टार देतो.

आणखी वाचा :