Salman Khan : शाईना एनसी यांच्या लेकीचा साखरपुडा, सलमान खानची खास हजेरी
सार
शिवसेना नेत्या शाईना एनसी यांची लेक शनाया मुनोत आणि भाविक मर्चंट यांचा साखरपुडा मुंबईत पार पडला. या सोहळ्याला बॉलिवूडचा भाईजान सलमान खान, उपमुख्यमंत्री एकनाथ शिंदे आणि मनसे अध्यक्ष राज ठाकरे यांनी खास हजेरी लावली.
मुंबई : शिवसेना नेत्या आणि फॅशन डिझायनर शाईना एनसी यांची मुलगी शनाया मुनोत आणि उद्योजक भाविक मर्चंट यांचा साखरपुडा नुकताच पार पडला. मुंबईतील नेपियन सी रोडवर असलेल्या त्यांच्या 'शांती बंगलो' या निवासस्थानी हा शानदार सोहळा आयोजित करण्यात आला होता. या कार्यक्रमाला सलमान खानने खास हजेरी लावली.
या साखरपुड्याला बॉलिवूड, राजकारण आणि उद्योग क्षेत्रातील अनेक दिग्गजांनी हजेरी लावली.
सलमान खानने दिल्या कपलला शुभेच्छा
सलमान खान या सोहळ्याला एकदम कॅज्युअल लूकमध्ये पोहोचला होता. त्याने नेव्ही-ब्लू रंगाचा शर्ट आणि डेनिम जीन्स घातली होती. तिथे आल्यावर त्याने पाहुण्यांशी गप्पा मारल्या आणि शनाया-भाविकसोबत फोटोही काढले. त्याने या नवीन जोडीला त्यांच्या पुढच्या वाटचालीसाठी शुभेच्छा दिल्या.
सलमान खान व्यतिरिक्त महाराष्ट्राचे उपमुख्यमंत्री एकनाथ शिंदे आणि महाराष्ट्र नवनिर्माण सेनेचे (मनसे) अध्यक्ष राज ठाकरे हे दिग्गज नेतेही या सोहळ्याला उपस्थित होते.
Mumbai, Maharashtra: Shiv Sena leader Shaina NC’s daughter, Shanaya Munot, gets engaged to Bhavik Merchant at an intimate ceremony at her residence, Shanti Bungalow, on Nepean Sea Road.
(Source: Self-made)
(17.10) https://t.co/WeRzoIXAmn
— IANS (@ians_india) October 17, 2026
शाईना एनसी यांच्या लेकीचा साखरपुडा
शाईना एनसी यांनी ११ ऑक्टोबरला, नवरात्रीच्या सुरुवातीलाच सोशल मीडियावर ही आनंदाची बातमी शेअर केली होती. या पोस्टमध्ये त्यांनी सर्वांचे आभार मानले आणि आई-वडील, कुटुंब आणि मित्रमंडळींच्या पाठिंब्याबद्दल कृतज्ञता व्यक्त केली.
On this auspicious occasion of #Navratri, we are overjoyed to share that our precious daughter Shanaya Munot & Bhavik Merchant got engaged.
With gratitude to God, blessings of our parents , family & friends - here's to togetherness, forever. 🙏💫 https://t.co/QfThRIe4bh
— Shaina Chudasama Munot (@ShainaNC) October 11, 2026
शनाया आणि भाविक आता त्यांच्या आयुष्याच्या नव्या प्रवासाला सुरुवात करत आहेत, त्यामुळे कुटुंबासाठी हा एक अतिशय आनंदाचा क्षण होता.
शनाया मुनोत स्वतः एक उद्योजिका आहे. तर भाविक मर्चंट हा 'स्वानकॉर्प' (SwanCorp) ची टेक्नॉलॉजी शाखा असलेल्या 'स्वानसॅट' (SwanSAT) मध्ये काम करतो आणि तोच ती चालवतो.
राजकीय नेते आणि सेलिब्रिटींच्या उपस्थितीमुळे शनाया आणि भाविकचा हा खास दिवस आणखीनच संस्मरणीय ठरला. या कौटुंबिक सोहळ्यात अनेक ओळखीचे चेहरे पाहायला मिळाले.