Rashmika Mandanna: हातात शस्त्र, आदिवासी लूक! 'मायसा'च्या टीझरमध्ये रश्मिकाचा फुल ॲक्शन अवतार

रवींद्र पुल्ले दिग्दर्शित 'मायसा' या आगामी ॲक्शन थ्रिलर चित्रपटाचा टीझर रिलीज झालाय. यात रश्मिका मंदाना एका आदिवासी गोंड महिलेच्या भूमिकेत दिसणार आहे. २७ नोव्हेंबरला रिलीज होणाऱ्या या चित्रपटात ती तिचे वडील आणि समाजाच्या हक्कांसाठी लढताना दिसेल.

नॅशनल क्रश रश्मिका मंदाना सध्या बॅक-टू-बॅक चित्रपटांमध्ये खूप बिझी आहे. ती एकापाठोपाठ एक हिट चित्रपट देत आहे. फक्त तेलुगूच नाही, तर बॉलिवूडमध्येही तिने स्वतःची भक्कम ओळख निर्माण केलीय. आता ती एका वेगळ्या धाटणीच्या कथेतून प्रेक्षकांसमोर नव्या अवतारात येणार आहे. तिच्या आगामी 'मायसा' चित्रपटाचा टीझर नुकताच रिलीज झालाय आणि त्याने सोशल मीडियावर चांगलाच धुमाकूळ घातलाय.

रश्मिका मंदानाचा नवा अवतार!

रवींद्र पुल्ले दिग्दर्शित 'मायसा' हा एक ॲक्शन थ्रिलर चित्रपट आहे. या चित्रपटाचं बहुतांश शूटिंग आधीच पूर्ण झालंय. येत्या २७ नोव्हेंबरला हा चित्रपट थिएटरमध्ये धडकणार आहे. रिलीजची तारीख जसजशी जवळ येत आहे, तसतशी प्रेक्षकांची उत्सुकता वाढत आहे. आणि आता या नव्या टीझरने ही उत्सुकता आणखीच वाढवलीय.

'मायसा' चित्रपटात रश्मिका अशा एका भूमिकेत दिसणार आहे, जी यापूर्वी कधीही पाहिली नसेल. ती एका आदिवासी गोंड समुदायाच्या महिलेची भूमिका साकारत आहे. टीझरमधील तिचा दमदार परफॉर्मन्स सर्वांचं लक्ष वेधून घेत आहे. ती फक्त ग्लॅमरस भूमिकाच नाही, तर ॲक्शन सीन्समध्येही किती परफेक्ट आहे, हेच रश्मिकाने यातून सिद्ध केलंय.

वडील आणि स्वतःच्या समाजासाठी लढा!

टीझर पाहिल्यावर लक्षात येतं की, रश्मिकाची व्यक्तिरेखा खूप स्ट्रॉंग आहे. ती तिचे वडील आणि स्वतःच्या समाजातील लोकांच्या हक्कांसाठी लढताना दिसणार आहे. संकटाच्या वेळी ती आपल्या लोकांना वाचवण्यासाठी कशी उभी राहते, हाच या चित्रपटाचा मुख्य विषय असणार आहे, याचे संकेत टीझरमधून मिळतात.

टीझरच्या सुरुवातीपासून शेवटपर्यंत ॲक्शन सीन्सवरच सर्वात जास्त फोकस करण्यात आलाय. जंगल आणि आदिवासी भागाच्या पार्श्वभूमीवर हे सीन्स अतिशय उत्तम प्रकारे चित्रित केले आहेत. रश्मिकाचा हा मास लूक आणि ॲक्शन अवतार पाहून प्रेक्षकांची चित्रपटाबद्दलची उत्सुकता आणखी वाढलीय.

टीझरमध्ये जेक्स बिॉयच्या बीजीएमची जादू

'मायसा' टीझरचं आणखी एक मोठं आकर्षण म्हणजे जेक्स बिॉयचं बॅकग्राउंड म्युझिक. ॲक्शन सीन्सला साजेसं असं दमदार म्युझिक देऊन त्याने टीझरचा इम्पॅक्ट कित्येक पटींनी वाढवलाय. सिनेमॅटोग्राफी आणि व्हिज्युअल्सही कथेच्या वातावरणाशी अगदी परफेक्ट मॅच होतात. जंगल, आदिवासी भाग आणि भरपूर ॲक्शन या सगळ्यामुळे 'मायसा' एक वेगळ्याच लेव्हलचा ॲक्शन थ्रिलर ठरणार, अशी अपेक्षा नक्कीच करता येईल.

रश्मिकाच्या करिअरमधील आणखी एक माईलस्टोन?

आतापर्यंत रश्मिकाने ग्लॅमरस आणि कमर्शियल भूमिकांमधून प्रेक्षकांची मनं जिंकली आहेत. पण आता 'मायसा'च्या माध्यमातून ती आपल्या अभिनयाची एक वेगळीच बाजू प्रेक्षकांसमोर मांडणार आहे. विशेषतः आदिवासी महिलेच्या भूमिकेत तिचा अभिनय कसा असेल, याबद्दल सर्वांच्याच मनात मोठी उत्सुकता आहे. टीझर रिलीज झाल्यानंतर या अपेक्षा आणखी वाढल्या आहेत. 'मायसा' हा रश्मिका मंदानाच्या करिअरमधील आणखी एक टर्निंग पॉईंट ठरणार का? आदिवासी महिलेच्या भूमिकेत ती प्रेक्षकांना किती भुरळ पाडेल? या सर्व प्रश्नांची उत्तरे मिळवण्यासाठी येत्या २७ नोव्हेंबरपर्यंत वाट पाहावीच लागेल.