Ranveer Singh : 'डॉन 3' सिनेमा सोडणं रणवीर सिंगला पडलं महागात, फिल्म इंडस्ट्रीने घातली बंदी! नक्की कारण काय?

Ranveer Singh : रणवीर सिंगने 'डॉन ३' मधून अचानक एक्झिट घेतल्याने मोठा वाद निर्माण झाला आहे. FWICE या संघटनेने रणवीरविरोधात असहकार्याचा फतवा काढला असून, इंडस्ट्रीला त्याच्यासोबत काम न करण्याचं आवाहन केलं आहे. शूटिंग सुरू होण्याच्या अगदी आधी चित्रपट सोडणं हा एक 'धोकादायक ट्रेंड' असल्याचं फेडरेशनने म्हटलं आहे.

Ranveer Singh : रणवीर सिंगने 'डॉन ३' मधून अचानक माघार घेतल्याने बॉलिवूडमध्ये मोठा वाद पेटला आहे. आता या प्रकरणात फिल्म इंडस्ट्रीची मोठी संघटना असलेल्या FWICE ने उडी घेतली आहे. या संघटनेने रणवीरविरोधात 'नॉन-कोऑपरेशन' म्हणजेच असहकार्याचा निर्देश जारी केला आहे. इतकंच नाही, तर इंडस्ट्रीतील लोकांनी त्याच्यासोबत काम करू नये, असं आवाहनही केलं आहे. रिपोर्ट्सनुसार, रणवीरने सिनेमाचं शूटिंग सुरू होण्याच्या अगदी थोड्या दिवस आधी हा प्रोजेक्ट सोडला, ज्यामुळे निर्मात्यांचं मोठं नुकसान झालं. त्यामुळे FWICE ने यावर कठोर भूमिका घेत याला इंडस्ट्रीसाठी एक 'धोकादायक ट्रेंड' म्हटलं आहे. आता हा वाद फक्त एका सिनेमापुरता मर्यादित राहिला नसून, इंडस्ट्रीतील प्रोफेशनल कमिटमेंटवर एक मोठी चर्चा सुरू झाली आहे.

'Don 3' वादात FWICE ची एन्ट्री

रणवीर सिंग आणि एक्सेल एंटरटेनमेंट यांच्यातील वाद वाढल्यानंतर FWICE ने या प्रकरणात हस्तक्षेप केला. मिळालेल्या माहितीनुसार, रणवीरने फरहान अख्तर आणि रितेश सिधवानी यांच्या 'डॉन ३' सिनेमाचं शूटिंग सुरू होण्यापूर्वीच तो सोडला. सोमवारी फेडरेशनने मीडियासमोर आपला निर्णय जाहीर करत रणवीर सिंगविरोधात असहकार्याचा निर्देश काढला. यानुसार, इंडस्ट्रीला रणवीरसोबत काम न करण्याच्या सूचना देण्यात आल्या आहेत.

अशोक पंडित म्हणाले- 'हा खूप चुकीचा ट्रेंड आहे'

FWICE चे मुख्य सल्लागार अशोक पंडित यांनी हे प्रकरण खूप गंभीर असल्याचं म्हटलं आहे. ते म्हणाले, "ही खूप गंभीर बाब आहे आणि हा ट्रेंड पूर्णपणे चुकीचा आहे. तुम्ही शूटिंग सुरू होण्याच्या १० दिवस आधी कोणताही प्रोजेक्ट सोडू शकत नाही. आम्ही आधी अंतर्गत बैठक घेत आहोत आणि त्यानंतर निर्णय घेऊ." त्यांना निर्णयाबद्दल विचारले असता ते म्हणाले, "जे योग्य असेल तेच आम्ही करू. आम्ही इंडस्ट्रीला बरबाद होऊ देणार नाही. उद्या कोणीही उठून सिनेमा सोडून जाईल. आम्ही जे काही करू, ते इंडस्ट्रीच्या हितासाठीच करू."

FWICE च्या मोठ्या बैठकीनंतर निर्णय

रिपोर्ट्सनुसार, FWICE चे अध्यक्ष बी. एन. तिवारी, मुख्य सल्लागार अशोक पंडित, मानद सरचिटणीस अशोक दुबे आणि खजिनदार गंगेश्वरलाल श्रीवास्तव यांनी या विषयावर एक महत्त्वाची बैठक घेतली. या बैठकीनंतर पत्रकार परिषद घेऊन फेडरेशनच्या निर्णयाची माहिती देण्यात आली. सिनेमाला होणारा उशीर आणि वाढत्या नुकसानीमुळे इंडस्ट्रीतील संघटनांची चिंता वाढल्याचं मानलं जात आहे.

प्रकरण प्रोड्यूसर्स गिल्डपर्यंत पोहोचलं

'डॉन ३' चा वाद याआधी प्रोड्यूसर्स गिल्ड ऑफ इंडियापर्यंतही पोहोचला होता. रिपोर्ट्सनुसार, अनेक वरिष्ठ निर्मात्यांनी दोन्ही पक्षांमध्ये समेट घडवून आणण्याचा प्रयत्न केला. असं म्हटलं जातंय की, एक्सेल एंटरटेनमेंटने सिनेमाच्या प्री-प्रोडक्शनवर मोठी रक्कम खर्च केली होती आणि अनेक गोष्टी फायनल झाल्या होत्या. मात्र, तोडग्याबाबत अद्याप कोणताही अंतिम निर्णय झालेला नाही.

रणवीर सिंगचा मागचा सिनेमा होता चर्चेत

रणवीर सिंग नुकताच आदित्य धरच्या 'धुरंधर: द रिव्हेंज' या स्पाय थ्रिलर सिनेमात दिसला होता. या सिनेमात अर्जुन रामपाल, आर. माधवन, सारा अर्जुन, राकेश बेदी, संजय दत्त, मानव गोहिल आणि गौरव गेरा हे कलाकारही होते. या फ्रँचायझीच्या दोन्ही सिनेमांनी मिळून जगभरात ३१०० कोटी रुपयांपेक्षा जास्त कमाई केली आहे.