Raja Shivaji Collection : रितेश देशमुखच्या 'राजा शिवाजी' सिनेमाचा ट्रेलर रिलीज झाल्यापासून त्याची जोरदार चर्चा सुरू आहे. पण त्याला प्रेक्षकांकडून संमिश्र प्रतिसाद मिळाला. हा भव्य सिनेमा पहिल्या दिवशी बॉक्स ऑफिसवर धमाका करू शकेल का?
'राजा शिवाजी'चा ट्रेलर रिलीज होताच सिनेमाबद्दल वातावरण तयार झालं. मोठी स्टारकास्ट आणि ऐतिहासिक कथेमुळे उत्सुकता तर वाढली, पण ट्रेलर अपेक्षेप्रमाणे तितकासा प्रभावी वाटला नाही.
25
'राजा शिवाजी'ची तगडी स्टारकास्ट आणि मोठा स्केल
'राजा शिवाजी'मध्ये रितेश देशमुख मुख्य भूमिकेत असून त्यानेच सिनेमाचं दिग्दर्शनही केलं आहे. त्याच्यासोबत संजय दत्त, अभिषेक बच्चन, विद्या बालन, सचिन खेडेकर, अमोल गुप्ते, भाग्यश्री, जेनेलिया देशमुख आणि जितेंद्र जोशी यांसारखे दिग्गज कलाकार महत्त्वाच्या भूमिकेत दिसणार आहेत. सलमान खानचा कॅमिओ हे देखील एक खास आकर्षण आहे.
35
'राजा शिवाजी'च्या ट्रेलरला संमिश्र प्रतिसाद
ट्रेलरवर प्रेक्षकांनी संमिश्र प्रतिक्रिया दिली. मराठी आणि हिंदी कलाकारांना एकत्र पाहणं अनेकांना आवडलं, पण ट्रेलर 'अंगावर काटा आणणारा' वाटला नाही. अजय-अतुल यांचं संगीत प्लस पॉइंट मानलं जातंय, पण बाकी गोष्टी विशेष प्रभाव पाडू शकल्या नाहीत. सिनेमाचा स्केल मोठा दिसतो, पण अनेक ठिकाणी VFX कमजोर वाटले. काही सीन्स कृत्रिम वाटल्याने ट्रेलरचा प्रभाव कमी झाला. यामुळेच सिनेमाच्या ओपनिंगवर थोडा परिणाम होऊ शकतो.
45
महाराष्ट्रामध्ये 'राजा शिवाजी'ला बंपर ओपनिंग मिळण्याची शक्यता
हा सिनेमा १ मे २०२६ रोजी रिलीज होत आहे. या दिवशी महाराष्ट्र दिन आणि कामगार दिनाची सुट्टी आहे. छत्रपती शिवाजी महाराजांवर आधारित कथा आणि रितेश देशमुखची लोकप्रियता यामुळे महाराष्ट्रात सिनेमाला जबरदस्त ओपनिंग मिळण्याची अपेक्षा आहे.
55
राजा शिवाजी पहिल्या दिवशी किती कमाई करू शकतो?
koimoi.com च्या रिपोर्टनुसार, ट्रेलरला संमिश्र प्रतिसाद मिळूनही 'राजा शिवाजी' पहिल्या दिवशी सर्व भाषांमध्ये मिळून ७ ते ११ कोटी रुपयांची नेट कमाई करू शकतो. ही रितेश देशमुखच्या करिअरमधील आतापर्यंतची सर्वात मोठी सोलो ओपनिंग ठरू शकते. याआधी त्याच्या 'वेड' सिनेमाने पहिल्या दिवशी २.२५ कोटींची कमाई केली होती.
