Harassment: किसिंग सीनच्या नावाखाली को-स्टारने ओलांडल्या मर्यादा, प्रिया बापटसोबत सेटवर नेमकं काय घडलं?

अभिनेत्री प्रिया बापटने तिच्या करिअरच्या सुरुवातीचा एक धक्कादायक आणि अत्यंत वाईट अनुभव शेअर केला आहे. एका किसिंग सीनच्या नावाखाली तिच्या को-स्टारने कशाप्रकारे मर्यादा ओलांडल्या आणि तिला सेटपासून हॉटेलपर्यंत त्रास दिला, हे तिने सांगितलं आहे. यानंतर पती उमेश कामतला मध्यस्थी करावी लागली होती. प्रियाने सांगितलेला हा किस्सा सध्या चर्चेत आहे.

अभिनेत्री प्रिया बापटने तिच्या करिअरच्या सुरुवातीच्या दिवसांमधला एक अत्यंत अस्वस्थ करणारा अनुभव नुकताच शेअर केला आहे. या घटनेमुळे फिल्म इंडस्ट्रीमध्ये कामाच्या ठिकाणी असलेल्या मर्यादांवर (Professional Boundaries) पुन्हा एकदा चर्चा सुरू झाली आहे. एका मुलाखतीत तिने सांगितलं की, एका सिनेमाच्या वेळी किसिंग सीनमुळे सुरू झालेली अडचण हळूहळू सेटवरच्या गैरवर्तनात बदलली. एका को-स्टारने शूटिंगदरम्यान आणि नंतरही तिच्या वैयक्तिक स्वातंत्र्याचा (Personal Space) आदर केला नाही. या संपूर्ण प्रकारामुळे तिला मानसिक त्रास झाला आणि बराच काळ ती अस्वस्थ होती.

करिअरच्या सुरुवातीलाच आला वाईट अनुभव

३९ वर्षांच्या प्रिया बापटने 'फिल्मफेअर'शी बोलताना सांगितलं की, ही घटना तिच्या सुरुवातीच्या सिनेमांपैकी एका सिनेमाच्या वेळची आहे, जेव्हा ती इंडस्ट्रीला समजावून घेत होती. स्क्रिप्ट वाचतानाच तिला एका किसिंग सीनबद्दल अस्वस्थ वाटत होतं, पण कथेसाठी ते गरजेचं आहे, असं तिला सांगण्यात आलं. प्रियाच्या मते, “मला तो सीन गरजेचा वाटत नव्हता, पण कथेसाठी तो महत्त्वाचा आहे, असं मला सांगितलं गेलं.” तिने सांगितलं की, सुरुवातीपासूनच तिला या सीनबद्दल शंका होती, पण दिग्दर्शकाच्या दाबामुळे तिने तो शूट केला.

सिनेमाच्या सेटवर को-स्टारने ओलांडल्या मर्यादा

प्रिया बापटने सर्वात धक्कादायक खुलासा करताना सांगितलं की, जेव्हा ती तिच्या को-स्टारसोबत एका गाण्याचं शूटिंग करत होती, तेव्हा त्याने इम्प्रोव्हायझेशनच्या (Improvisation) नावाखाली जवळीक वाढवायला सुरुवात केली. प्रिया सांगते, "तो वारंवार मला किस करत होता आणि त्यावेळी मी स्वतःसाठी काहीच बोलू शकले नाही, कारण हे कसं हाताळायचं हेच मला कळत नव्हतं."

शूटिंगनंतरही को-स्टारने सोडला नाही पिच्छा

प्रियाने पुढे सांगितलं की, शूटिंग संपल्यानंतरही तो को-स्टार तिला सतत मेसेज करत होता. पोहायला शिकवण्याबद्दल, डिनर आणि ब्रेकफास्टसाठी भेटण्याबद्दल तो विचारत होता. दुर्दैवाने, दोघेही एकाच हॉटेलमध्ये थांबले होते, ज्यामुळे परिस्थिती आणखी बिकट झाली होती.

पती उमेश कामतने सांभाळली परिस्थिती

जेव्हा परिस्थिती हाताबाहेर जाऊ लागली, तेव्हा प्रिया बापटने तिचा पती उमेश कामतला फोन केला. यानंतर उमेश लगेचच भोपाळला पोहोचला आणि तीन दिवस सेटवर तिच्यासोबत राहिला. प्रियाच्या मते, हा तिच्या करिअरमधील सर्वात वाईट अनुभव होता आणि यानंतर असं काही पुन्हा कधीच घडलं नाही. वर्कफ्रंटबद्दल बोलायचं झाल्यास, प्रिया लवकरच 'दाळिंब: द मिथ' (Dalimb: The Myth) या नव्या प्रोजेक्टमधून सायकोलॉजिकल थ्रिलरमध्ये पुनरागमन करत आहे. प्रिया अवेन दिग्दर्शित या सिनेमात प्रिया बापसोबत जीतेंद्र कुमार, क्षितिज दाते आणि कविन दवे हे कलाकारही दिसणार आहेत. सिनेमाच्या रिलीजची तारीख अजून जाहीर झालेली नाही.