काजोलच्या 'सरज़मीन'चा ओटीटीवर धमाका, चक्क 4.5 दशलक्ष प्रेक्षकांनी बघितला सिनेमा

मुंबई : प्रिथ्वीराज सुकुमारन, इब्राहिम अली खान आणि काजोल यांचा अभिनय असलेला 'सरज़मीन' हा चित्रपट ओटीटी प्लॅटफॉर्मवर जबरदस्त यश मिळवत आहे. या चित्रपटाला वाढली प्रेक्षकसंख्या लाभत आहे. जाणून घ्या आतापर्यंत किती लोकांनी हा चित्रपट बघितला..

ओटीटी प्लॅटफॉर्मवरील सर्वात मोठं पदार्पण

या चित्रपटाने ओटीटीवर पदार्पण करताच जबरदस्त व्ह्यूअर्सशिप मिळवली असून, २०२५ मधील नेटफ्लिक्स व्यतिरिक्त सर्व ओटीटी प्लॅटफॉर्मवरील सर्वात मोठं पदार्पण ठरलं आहे.

धर्मा प्रोडक्शन्सच्या बॅनरखाली तयार झालेला ‘सरज़मीन’ चित्रपटाने पहिल्याच आठवड्यात ४.५ दशलक्ष प्रेक्षकांची संख्या गाठली आहे. Ormax Media च्या आकडेवारीनुसार, २१ जुलै ते २७ जुलै या आठवड्यात भारतातील सर्वात जास्त पाहिला गेलेला ओटीटी ओरिजिनल कंटेंट म्हणून 'सरज़मीन'ने टॉप स्थान पटकावले.

धर्मा प्रोडक्शन्सचे ओटीटीवर नाव गाजतेय

धर्मा प्रोडक्शन्सने ओटीटी स्पेसमध्ये आपलं वर्चस्व सिद्ध केलं आहे. 'केसरी चैप्टर २' (५.७ दशलक्ष व्ह्यूज – जिओहॉटस्टार) या चित्रपटानंतर 'सरज़मीन' हा त्यांचाच दुसरा चित्रपट दुसऱ्या स्थानावर आहे. 'केसरी चैप्टर २' हा आधी थिएटरमध्ये रिलीज झाल्यावर ओटीटीवर आला, तर 'सरज़मीन' हा थेट ओटीटीसाठी तयार केलेला ओरिजिनल चित्रपट आहे.

'सरज़मीन'चा दमदार आठवडा

'सरज़मीन'ने पदार्पण आठवड्यातच Tourist Family, Bhool Chuk Maaf, Odela 2, Kuberaa यासारख्या चित्रपटांना मागे टाकलं आहे. हा चित्रपट सध्या JioHotstarवर स्ट्रीमिंगला उपलब्ध आहे आणि प्रेक्षकांनी त्याला भरभरून प्रतिसाद दिला आहे.

२०२५ मधील सर्वाधिक पाहिले गेलेले ओटीटी चित्रपट (नेटफ्लिक्स वगळता):

क्रमवारी       चित्रपट                          व्ह्यूअरशिप-प्लॅटफॉर्म

1                 केसरी चैप्टर-2                ५.७ मिलियन JioHotstar

2                 सरज़मीन                       ४.५ मिलियन JioHotstar

3                Tourist Family             ४.४ मिलियन JioHotstar

4                Bhool Chuk Maaf         ४ मिलियन Prime Video

5                Odela 2                          ३.८ मिलियन Prime Video

6                Veera Dheera Sooran  ३.२ मिलियन Prime Video

7                Alappuzha Gymkhana ३.२ मिलियन Sony Liv

8               L2: Empuraan                  ३ मिलियन JioHotstar

9              Thudarum                          २.९ मिलियन JioHotstar

10              Kuberaa                            २.५ मिलियन Prime Video

पुढच्या यादीत प्रवेश करण्याची शक्यता

तज्ज्ञांचे म्हणणे आहे की, 'सरज़मीन'च्या व्ह्यूअर्सशिपमध्ये अजूनही वाढ होण्याची शक्यता आहे. 'Test' हा चित्रपट सध्या ६.५ मिलियन लाइफटाइम व्ह्यूजसह २०२५ मधील ५व्या क्रमांकावर आहे. जर 'सरज़मीन'ने आपला गती कायम ठेवली, तर तो टॉप ५ मध्ये सहज प्रवेश करू शकतो.

चित्रपटाची कहाणी आणि कलाकार

'सरज़मीन' ही एक भावनिक व नाट्यमय कथा आहे, ज्यात क्राइम थ्रिलर आणि ड्रामाचा सुरेख संगम पाहायला मिळतो. प्रिथ्वीराज सुकुमारन यांनी एका तपास अधिकाऱ्याची भूमिका साकारली आहे, तर इब्राहिम अली खान एका धाडसी तरुणाच्या भूमिकेत झळकतो. काजोल या चित्रपटात वरिष्ठ पोलिस अधिकाऱ्याच्या भूमिकेत आहेत.

समाजातील गुन्हेगारीच्या विषयाला भिडतो

हा चित्रपट समाजातील गुन्हेगारीच्या विषयाला भिडतो आणि पोलिस, कायदा व न्याय यंत्रणेच्या संघर्षावर भाष्य करतो. मोहक सिनेमॅटोग्राफी, खिळवून ठेवणारी पटकथा, आणि दमदार अभिनय हे चित्रपटाची खास वैशिष्ट्ये आहेत.

ओटीटीवर यशाचे गणित

'सरज़मीन'सारखा कंटेंट-केंद्रित चित्रपट जर पहिल्याच आठवड्यात ४.५ मिलियन व्ह्यूज मिळवत असेल, तर हे स्पष्टपणे सांगते की प्रेक्षक आता दमदार कथा, उत्कट अभिनय आणि वास्तववादी विषयांना अधिक प्राधान्य देत आहेत. धर्मा प्रोडक्शन्ससारख्या बॅनरने आपल्या पारंपरिक शैलीपलीकडे जाऊन सामाजिक विषय हाताळणाऱ्या कथा मांडल्या, तर त्याला प्रेक्षकांचा उत्तम प्रतिसाद मिळतो.