Nayanthara Remuneration : 50 सेकंदाच्या जाहिरातीसाठी 5 कोटी? या साऊथ सुपरस्टारची फी ऐकून थक्क व्हाल

साऊथच्या अभिनेत्री आता मानधनाच्या बाबतीत बॉलिवूडलाही तगडी टक्कर देत आहेत. वयाची ४० ओलांडली तरी त्यांची क्रेझ कमी झालेली नाही. एका साऊथ सुपरस्टारने तर एका सेकंदासाठी चक्क १० लाख रुपये आकारले आहेत. कोण आहे ही अभिनेत्री?

साऊथमध्ये नयनताराची जबरदस्त क्रेझ

आपण नेहमीच स्टार हिरोंच्या तगड्या मानधनाबद्दल ऐकतो. पण साऊथची 'लेडी सुपरस्टार' नयनतारा या बाबतीत कुणापेक्षाही कमी नाही. तिने एका ५० सेकंदाच्या जाहिरातीसाठी चक्क ५ कोटी रुपये फी घेतल्याची चर्चा आहे. म्हणजेच या जाहिरातीत तिने एका सेकंदासाठी १० लाख रुपये कमावले आहेत!

२० वर्षांचा यशस्वी सिनेप्रवास

केरळच्या नयनताराने 'मनस्सिनक्करे' या मल्याळम चित्रपटातून सिनेसृष्टीत पाऊल ठेवलं. त्यानंतर 'अय्या' या तमिळ चित्रपटातून तिने साऊथमध्ये आपली ओळख निर्माण केली. गेल्या २० वर्षांपासून ती तमिळ, तेलुगू आणि मल्याळम इंडस्ट्रीवर राज्य करत आहे. वयाची ४० ओलांडली असली, लग्न झालं असलं आणि सरोगसीद्वारे दोन जुळ्या मुलांची आई असली, तरी तिची मार्केट व्हॅल्यू अजिबात कमी झालेली नाही.

साऊथची सर्वात महागडी अभिनेत्री

दक्षिण भारतात सर्वाधिक मानधन घेणाऱ्या अभिनेत्रींच्या यादीत नयनतारा टॉपवर आहे. सध्या ती एका चित्रपटासाठी १२ ते १५ कोटी रुपये घेते. शाहरुख खानसोबतच्या 'जवान' चित्रपटाने १००० कोटींहून अधिक कमाई केली. या चित्रपटामुळे तिला पॅन इंडिया लेव्हलवर मोठी ओळख मिळाली.

जाहिरात विश्वात नवा रेकॉर्ड

चित्रपटांसोबतच ब्रँड एंडोर्समेंटमधूनही नयनतारा कोट्यवधी रुपये कमवते. गेल्या वर्षी तिने 'टाटा प्ले' (Tata Play) या प्रसिद्ध डीटीएच ब्रँडच्या जाहिरातीसाठी ५ कोटी रुपये घेतल्याची माहिती आहे. तमिळ, तेलुगू, मल्याळम आणि हिंदी अशा चार भाषांमध्ये दोन दिवस या जाहिरातीचं शूटिंग चाललं होतं.

यशस्वी बिझनेसवुमन नयनतारा

अभिनयासोबतच नयनतारा एक यशस्वी बिझनेसवुमन आणि निर्मातीसुद्धा आहे. पती विघ्नेश शिवनसोबत मिळून ती 'राउडी पिक्चर्स' या प्रोडक्शन हाऊसअंतर्गत हिट चित्रपटांची निर्मिती करते. याशिवाय तिचे स्वतःचे काही व्यवसाय असून दुबईतही तिने मोठी गुंतवणूक केली आहे. चित्रपट आणि जाहिरातींच्या माध्यमातून तिने आपलं एक मोठं साम्राज्य उभं केलं आहे.