Khashaba Movie Teaser : कुस्तीपटू खाशाबा जाधव यांच्या जीवनावर आधारित खाशाबा हा सिनेमा १ जानेवारी रोजी प्रदर्शित होणार आहे. या सिनेमाचा टीझर नुकताच प्रेक्षकांच्या भेटीला आला आहे.
नागराज मंजुळे यांचा कुस्तीपटू खाशाबा जाधव यांच्या आयुष्यावर आधारित 'खाशाबा' या सिनेमाचा टीझर रिलीज झाला आहे. मागील दोन ते तीन वर्षांपासून या सिनेमाची चर्चा आहे. अखेर सिनेमाचा टीझर आता प्रदर्शित झाला आहे.
26
खाशाबा सिनेमाचा टीझर प्रदर्शित
टीझरमध्ये अनेक कलाकार भूमिका साकारताना दिसत आहेत. सिनेमाचा टीझर रिलीज झाल्यानंतर प्रेक्षकांमध्ये उत्सुकतेचं, उत्साहाचं वातावरण आहे. प्रेक्षकांकडून टीझरला चांगला सकारात्मक प्रतिसाद मिळताना दिसतो आहे.
36
मल्टीस्टारर सिनेमा
सिनेमाच्या टीझरमध्ये नागराज मंजुळे यांच्यासह महेश मांजरेकर, जितेंद्र जोशी, संदीप कुलकर्णी, वैभव मांगले, गिरीश कुलकर्णी आणि इतरही अनेक कलाकार अशी तगडी स्टारकास्ट दिसते आहे.
सिनेमा मल्टीस्टारर आहेच, पण एका राजकीय व्यक्तीमत्त्वाचीही खास झलक टीझरमध्ये पाहायला मिळत आहे. हे राजकीय नेते आहेत माजी खासदार संभाजीराजे भोसले.
56
कोण साकारणार खाशाबा जाधव यांची भूमिका?
महत्त्वाची बाब म्हणजे सिनेमात अनेक कलाकारांच्या भूमिका आहेत. मात्र प्रमुख अर्थात खाशाबा जाधव यांची भूमिका नेमकं कोण साकारणार याचं उत्तर मात्र प्रेक्षकांना मिळालेलं नाही.
66
कधी प्रदर्शित होणार सिनेमा?
सिनेमात अजय-अतुल यांनी संगीत दिलं आहे. तर सिनेमा नागराज मंजुळे यांनी दिग्दर्शित केला आहे. सिनेमाची निर्मिती ज्योती देशपांडे आणि गार्गी कुलकर्णी यांनी केली आहे. पुढील वर्षात १ जानेवारी २०२७ रोजी 'खाशाबा' सिनेमा सिनेमागृहात प्रदर्शित होणार आहे.
Entertainment News (मनोरंजन बातम्या): Get Entertainment News & Live updates in Marathi. Stay updated with Marathi Celeb gossips and Marathi Cinema news, Matahi movie trailers, reviews, and TV shows in Marathi at Asianet Marathi News.
