Faf du Plessis: फाफ डु प्लेसिसचा 'गुची' डान्स, रवी किशनचा ट्रेंड थेट क्रिकेटच्या मैदानात!

ravi kishan: युरोपियन T20 प्रीमियर लीगमध्ये फाफ डु प्लेसिसने रवी किशनच्या व्हायरल डान्स स्टेप्सवर ठेका धरला. त्याचा हा व्हिडिओ सोशल मीडियावर तुफान व्हायरल होतोय.

रवी किशनच्या मीमचा ट्रेंड आता थेट क्रिकेटच्या मैदानात पोहोचला आहे. फुटबॉल क्लब युव्हेंटस, बोरुसिया डॉर्टमंड आणि लिव्हरपूल एफसीनंतर आता रॉटरडॅम डॉकर्सचा कॅप्टन फाफ डु प्लेसिसनेही या ट्रेंडमध्ये उडी घेतली आहे. दक्षिण आफ्रिकेच्या या माजी कॅप्टनने अभिनेता आणि आता राजकारणी असलेल्या रवी किशनच्या प्रसिद्ध डान्स मूव्ह्जची नक्कल केली असून, हा व्हिडिओ सध्या व्हायरल झाला आहे.

युरोपियन T20 प्रीमियर लीग दरम्यान रॉटरडॅम डॉकर्सच्या अधिकृत इंस्टाग्राम पेजवर हा व्हिडिओ शेअर करण्यात आला आहे. यात फाफ डु प्लेसिस अरूब खानच्या 'गुची' गाण्यावर सिग्नेचर स्टेप्स शिकताना दिसतोय. त्याच्यासोबत टीममधले सहकारी जय मुंद्रा आणि विक्रमजीत सिंग यांनीही ठेका धरला.

दक्षिण आफ्रिकेच्या माजी कॅप्टनने अरूब खानच्या 'गुची' गाण्यावर डान्स केला.

हा व्हिडिओ सोशल मीडियावर लगेचच व्हायरल झाला. एका युझरने गंमतीत लिहिलं, "When he said Pagal to bana dunga desh ko, He forgot to say dunia ko! Lord Ravi Kishan!!" दुसऱ्या एकाने लिहिलं, "Ravi Kishan ab international pahuch chuka hai." तर तिसऱ्याने कमेंट केली, "It's high time he gets his due royalty…. loyalty toh mil hi rhi hai."

"Okay, we had to join this one," अशा कॅप्शनसह शेअर केलेला हा व्हिडिओ क्रिकेट चाहते आणि मीम प्रेमींमध्ये चांगलाच हिट झाला आहे. हा ट्रेंड आता खेळ आणि मनोरंजन विश्वातही पसरत चालला आहे.