Entertainment: 'इंटरनेट फक्त आवाज करतो, त्यात शहाणपण नसतं!' मलाईकाची स्पष्टोक्ती

Entertainment: अभिनेत्री मलाइका अरोरा नेहमीच तिच्या स्टाइल आणि फिटनेसमुळे चर्चेत असते. पण, तिला ऑनलाइन ट्रोलिंगचाही खूप सामना करावा लागतो. आता तिने ट्रोलर्सना सडेतोड उत्तर दिलंय. 'इंटरनेट खूप आवाज करतं, पण ते नेहमीच शहाणं नसतं,' असं ती म्हणाली आहे.

ट्रोलिंग आणि इंटरनेट कल्चरवर भाष्य

बॉलिवूडची फिटनेस क्वीन आणि स्टाईल आयकॉन मलाइका अरोरा नेहमीच कोणत्या ना कोणत्या कारणामुळे चर्चेत असते. पण प्रसिद्धीसोबतच तिला ऑनलाइन ट्रोलिंगचाही सामना करावा लागतो. याच ट्रोलिंग आणि इंटरनेट कल्चरवर तिने एक असं वक्तव्य केलंय, ज्यामुळे सोशल मीडियावर चर्चांना उधाण आलं आहे.

इंटरनेट खूप आवाज करतं, पण ते नेहमीच शहाणपणाचं नसतं

नुकत्याच दिलेल्या एका मुलाखतीत मलाइका ट्रोलिंगवर मोकळेपणाने बोलली. ती म्हणाली, "मी एक गोष्ट नेहमी लक्षात ठेवते की इंटरनेट खूप आवाज करतं, पण ते नेहमीच शहाणपणाचं नसतं."

आवाज करणं आणि शहाणं असणं यात खूप मोठा फरक

मलाइका पुढे म्हणाली, "आवाज करणं आणि शहाणं असणं यात खूप मोठा फरक आहे. जर तुम्ही तुमच्या मनाची शांतता लोकांच्या मतांवर सोडली, तर तुम्ही कधीच शांत राहू शकणार नाही, हे मला इतक्या वर्षांत समजलं आहे."

निगेटिव्ह कमेंटकडे दुर्लक्ष

मलाइका आता सोशल मीडियावरील प्रत्येक निगेटिव्ह कमेंटकडे लक्ष देत नाही. यासाठी तिने स्वतःसाठी काही मर्यादा (Boundaries) आखल्या आहेत. ती म्हणते, "मी माझ्याबद्दल बोलली जाणारी प्रत्येक गोष्ट वाचत किंवा ऐकत नाही. लोकांच्या प्रत्येक मताला मी गांभीर्याने घेत नाही. उलट, मी माझ्या कामावर, प्रियजनांवर आणि दैनंदिन आयुष्यावर लक्ष केंद्रित करते."

सार्वजनिक चर्चेची गरज नाही

सुरुवातीला ट्रोलिंगचा खूप त्रास व्हायचा, हे मलाइकाने मान्य केलं. पण ती म्हणते, "वयानुसार जगाकडे पाहण्याचा दृष्टिकोन बदलतो. प्रत्येक छोट्या आवाजावर प्रतिक्रिया देणं आपण थांबवतो. कोणी टीका करत असेल, तर ते त्यांचं व्यक्तिमत्त्व दाखवतं, आपलं नाही. माझा आनंद माझ्यातच आहे, त्यावर सार्वजनिक चर्चेची गरज नाही."

अफवांपासून दूर

अभिनेता अर्जुन कपूर आणि मलाइका अरोरा यांचं नातं नुकतंच संपलं. याबद्दल सोशल मीडियावर अनेक चर्चा सुरू होत्या. अशा परिस्थितीत मलाइकाने केलेलं हे वक्तव्य, तिला वैयक्तिक आयुष्याबद्दलच्या अफवांपासून दूर राहायचं आहे, हे स्पष्ट करतं.

नवीन चित्रपट

कामाबद्दल बोलायचं झाल्यास, मलाइका अरोरा नुकतीच आयुष्मान खुराना आणि रश्मिका मंदाना यांच्या 'थम्मा' (Thamma) सिनेमातील 'पॉइजन बेबी' (Poison Baby) या गाण्यात दिसली होती. या गाण्यातील तिच्या डान्स स्टेप्सवर चाहते फिदा झाले होते. एकंदरीत, मलाइका ट्रोलर्सकडे दुर्लक्ष करून आपल्याच विश्वात मस्त आहे.