Entertainment: आजपासून जवळपास 25 वर्षांपूर्वी सनी देओल आणि आमिर खान यांचे दोन मोठे सिनेमे एकाच दिवशी रिलीज झाले होते. या बॉक्स ऑफिस क्लॅशमध्ये नक्की काय झालं? कोणत्या सिनेमाने जास्त कमाई केली आणि कोण मागे राहिलं? चला, जाणून घेऊया.
जवळपास 25 वर्षांपूर्वी, 15 जून 2001 रोजी, सनी देओल आणि आमिर खान बॉक्स ऑफिसवर एकमेकांना भिडले. सनीचा 'गदर: एक प्रेम कथा' आणि आमिरचा 'लगान' एकाच दिवशी रिलीज झाले. दोन्ही सिनेमांनी बॉक्स ऑफिसवर जबरदस्त कामगिरी केली. पण कमाईच्या बाबतीत कोण जिंकलं, हे जाणून घेऊया.
25
सनी देओलची फिल्म गदर एक प्रेम कथा
दिग्दर्शक अनिल शर्मा आणि सनी देओलचा 'गदर: एक प्रेम कथा' हा सिनेमा 1947 च्या भारत-पाकिस्तान फाळणीच्या पार्श्वभूमीवर आधारित होता. हा एक पीरियड ड्रामा, ॲक्शन आणि रोमँटिक चित्रपट होता, ज्याला प्रेक्षकांनी डोक्यावर घेतलं.
35
गदर एक प्रेमकथा चे बजेट आणि कलेक्शन
या सिनेमात सनी देओल, अमिषा पटेल, उत्कर्ष शर्मा आणि अमरीश पुरी मुख्य भूमिकेत होते. दिग्दर्शक अनिल शर्मा यांनी हा सिनेमा 18.5 कोटींच्या बजेटमध्ये बनवला होता. सिनेमाने बॉक्स ऑफिसवर तब्बल 133 कोटींचा व्यवसाय केला.
दिग्दर्शक आशुतोष गोवारीकर यांच्या 'लगान' सिनेमात आमिर खानसोबत ग्रेसी सिंग, रघुबीर यादव, प्रदीप रावत, दया शंकर पांडे, यशपाल शर्मा असे अनेक कलाकार होते. काही इंग्लिश कलाकारांनीही यात काम केलं होतं. या सिनेमाला प्रेक्षकांचा जबरदस्त प्रतिसाद मिळाला होता.
55
फिल्म लगानचे बजेट आणि कलेक्शन
आशुतोष गोवारीकर यांनी 'लगान' सिनेमा 25 कोटींच्या बजेटमध्ये बनवला होता. या सिनेमाने 65.69 कोटींची कमाई केली. कमाईच्या बाबतीत सनी देओलचा 'गदर' हा आमिर खानच्या 'लगान'वर स्पष्टपणे भारी पडला होता.
